Óz oıym ózimde! Ýkraına men Reseı arasynda tutanǵan otty keıbireýler Kremldiń bandıttik bıliginen kórýde. Iaǵnı, oǵan Pýtın men Medvedev qana kináli desedi. Men óz basym bul oımen kelispeımin. Óıtkeni, Reseı - Reseı bolǵaly bılik basynda deni durys adam otyrǵan joq. Ól de, biraq jibi túzý patshasyn esime túsire almaımyn. Sonaý, Ioan Groznyıdan bastap, Keńestik keńkelesterge deıin... Iaǵnı, bul ımperıalyq keselge dýshar bolǵan kúlli orys halqynyń tragedıasy. Ýkraına mysalynda qarapaıym orys halqynyń pıǵylyn tanydyq. Biren-sarandar bolmasa, búkil telearna, áleýmettik jeli, gazet-jýrnalda ýkraın baýyrlary týraly bir jyly lebiz aıtyp, patshasyna qarsy shyqqanyn estimedik. 350 jyldyq gegemondyq, ulyderjavashyldyq, ózge ulttardyń ulysy bolý ońaı emes. "Hıtroı j-pe ... s vıntom" degen de orekeńniń óz sózi. Ázirge ondaı vıntti múshe tabylmaı tur. Biraq orys halqyn osy kesel orǵa jyqpaı tynbaıdy. Al qazirgi jaǵdaı boıynsha Reseı Ýkraınaǵa oq ata almaıdy. Oǵan Kremldiń shamasy jetpeıdi. Pýtındik bıliktiń kóksegeni - qan tógý. Olarǵa qoı toǵytatyn toǵandaı qan emes, teńizdeı qan qajet! Meıli, ol orystyń, tatardyń, ýkraınnyń, grýzınniń qany bolsyn, báribir. Áıteýir, Ýkraına ishinde azamattyq órt tutanyp, bir-birin qyryp bastasa bolǵany. Haos ornaǵany kerek. Sol úshin "dereý ásker kirgizip, orystardyń quqyǵyn qorǵaý" degen uran kóterdi. Jedel pasport taratýǵa kiristi. Separatısterge jel berip, demep jatyr. Qaıtse de uzaqqa sozylar azamattyq soǵys órtin tutatýy qajet! Sol kezde Eýropalyq Odaq, AQSH, álemdik qaýymdastyq aldynda Ýkraınada shyn máninde tóńkeris emes, "búliktiń" oryn alǵany "málim" bolar edi. Ol kezde álgi demokrattar Ýkraınany sabasyna túsirip ber dep Reseıge jalynar edi. Mine, sonda Pýtın álem aldynda sútten aq, sýdan taza bolyp shyǵar edi de, postkeńestikte tolyq qojalyqqa ıe bolar edi...