PARADOKS! Qazaqtyń qaımaqtaryn qynadaı qyrǵan mysyqtileý Mırzoıanǵa berilgen daladaı dańǵyldy ıelener batyr qalmady ma bizdiń elde? Álde bárin jarylqap bittik pe?..  «Qalanyń bir qýysynda bar-joǵy beımálim, jetim balanyń kúıin keship turǵan áz Álıhannyń ne jazyǵy bar edi? «Qalǵansha jarty jańqam men seniki, paıdalan sharýańa jarasa, Alash!» degen aǵalar sózin uran etip, halqyna qatqysyz qyzmet qylǵan qazaqtyń Qanyshyn qalaısha umyttyq?» Oıdy oı jalǵap, osylaı kete beredi, kete beredi... ...Ár keshte úıge qaıtyp kele jatyp Batyr Baýyrjan dańǵylyn kesip ótip, Mırzoıan kóshesindegi jataqhanama baǵyt alǵanda, birinen ekinshisiniń eshbir ózgesheligi joq osy bir oı kún saıyn aına-qatesiz kókiregime kepteledi. Baýyrjandaı batyrlar mura etken qaharmandyq qorqaýlyqtyń kóleńkesinde kólegeılenip qalǵandaı... Bir kem dúnıe!