Qorqynyshtyń týri kóp... 5-6 jasta bolǵanymda anam ınfarkt alyp ólim aýzynan qaldy. Sol kýnderi ómir aıaqtalǵandaı boldy. Erteńgi kýndi jek kórdim, ol jaqta anam joqtaı kórindi. Bala jýregim jaryla jazdap, ólim degenniń ne ekenin týsine almaı kýızeldim. Áli kýnge deıin sol sezimderden qorqam... Odan da ashshy, odan da qarańǵy, tipti, qany sorǵalap turǵan qorqynysh bar eken. Otan degen... Otanǵa tóngen qaýip degen... Týǵan jerińniń taǵdyry degen... Ókinishi men qorqynyshy aralasqan bul sezimdi basynan keshken jalǵyz qazaq men emes shyǵarmyn. Osy kýnderi barlyq qazaqtyń jýregi birdeı soqty, birge soqty... Osy kýnderi biz kesek oılap, erteńimiz týraly tolǵandyq. Shyndyqtyń betine týra qaraýǵa májbýr boldyq. Dál osy qorqynysh bizdi (meni) basqa sapalyq hám rýhanı deńgeıge kóteredi dep senemin.