Barshamyzǵa belgili, "Qazaqstan" ulttyq arnasyndaǵy "Túngi stýdıada Nurlan Qoıanbaev"  atty Nurlan Qoıanbaevtyń avtorlyq jobasy kópshiliktiń ystyq iltıpatyna ıe bolýda. Sońǵy ýaqytta elimizdiń belgili óner adamdary bylaı tursyn,  tipti shetelden de qonaqtar  shaqyrylyp júr. Kúni keshe Anandı kelindi shaqyryp, qazaq  atyrabyn dúr silkindirdi. "Túngi stýdıa" Qazaq kórermenderiniń kútip júrip kóretin súıikti baǵdarlamasyna aınalyp úlgerdi. 

Al, jaqynda satıra maıtalmany Tursynbek Qabatov ta óziniń tóltýma jobasyn báıgege qosatyn syńaıly.   «KTK-da Qabatov!»  atty jańa avtorlyq jobany júzege asyrýǵa bilek sybana kirisipti.   "KTK" arnasynyń resmı saıtynda: "  Qabatov kúldirmegen qazaq joq. Aýyldan bir aýyz oryssha bilmeı kelgen Tursynbek ázilimen, tipti, búkil Reseıdi tánti etti. Qylyǵymen-aq ishek-sileni qatyrǵan ázilqoı endi budan bylaı óziniń jeke baǵdarlamasyn júrgizetin bolady. Ózi ánshi, ózi bıshi, ózi telejúrgizýshi Tursynbektiń teńdessiz teleshoýy osy jeksenbiden bastap efırge shyǵa bastaıdy" - dep jazypty.

   Al, Qabatovtyń ózi: -Bunyń ishinde jańaǵy senarı, jazylyp otyrǵan ázil, tek ánshilerdiń ánderi ǵana ózderiniki bolsa, qalǵan suhbat, dıalogtar, sahnada qoıylyp otyrǵan kórinisterdiń barlyǵyn qoldan kelgenshe jazyp jatyrmyz. Buǵan deıin kóptegen shoýlarǵa qatysyp júrdik qoı, ol jerde júrgizýshi rólin atqaryp júretinbiz, endi osy joly jańadan bir joba bastaǵaly jatyrmyz"- degen eken.

Bul jobanyń ereksheligi: «KTK-da Qabatov!» dep atalǵan teleshoýda ázil-qaljyńnyń báriniń avtory Tursynbek Qabatov. Júrgizýshilerdiń barlyǵy derlik,  KVN oıynshylarynan iriktelip alynǵan. Tapqyrlar kúldirip qana qoımaı, arnaıy qoıylymdar da jasaıdy.  Qabatovqa qonaq bolamyn deýshilerge esik ashyq! Tek qazaqtyń maqal-mátelderin bilseńiz bolǵany. Bilimińizdi Tursynbektiń ózi tekseredi.    Baǵdarlama  naýryzdyń 9-nan bastap, ár jeksenbi saıyn efırge shyǵatyn bolady.

Al, eki arnadaǵy eki qyzyqty baǵdarlama  qazaq kórermenderine kóterińki kóńil kúı syılasyn!