قازاقتىڭ العاشقى باسپا ونىمىنەن باستاپ بارلىق باسپا تاريحى وسىندا تۇر. ابايدىڭ العاشقى كىتابى، ءمىرجاقىپتىڭ "ويان، قازاعىنىڭ" قولجازباسى، اباي وقىعان، م.اۋەزوۆ 10 جىل قولىنا ۇستاعان درەپپەردىڭ اتاقتى كىتابى، گۋمار كاراشتىڭ قولىنان 100 بۇرىن بوكەي ورداسىندا شىعىپ تۇرعان "ۇران" گازەتىنىن جالعىز تىگىندىسى، ستامبۋلدا، قازاندا، پەتەربوردا، تاشكەندە جۇزدەگەن جىلدار بۇرىن شىققان كونە قۇراندار مەن قۇراننىڭ ونداعان قولجازبا كوشىرمەلەرى.... جۇزدەگەن سيرەك كىتاپتار مەن كۇندى جادىگەرلەر،75 مىڭ قۇندى كىتاپ' ۇلى جازۋشىلاردىڭ قولتاڭبالارى.... كايسىبىرىن ايتا بەرەسىڭ.

باياعى زاماندا عىلمانوۆ، ماماجانوۆ، ەلەۋكەنوۆ، ەسمۇرزايەۆ، سارسەكەيەۆ سىندى ۇلتجاندى ازاماتتاردىڭ جانقيارلىعىمەن اشىلىپ، الاساپىران كەزەندە دە جان ساقتاعان رەسپۋبليكالىق كىتاپ مۇراجايى ايدىن-كۇننىڭ امانىندا تالان-تاراجعا تۇسكەلى جاتىر. تمد ەلدەرىندە وسىنداي ءۇش-اق مۇراجاي بار ەدى. پەتەربوردا، كييەۆتە جانە الماتىدا. ەندى ءسونىڭ ءبىرى ءماسىموۆتىڭ اسپاننان تۇسكەن قاۋلىسىمەن جويىلعالى جاتىر. كارىم-اكا بۇل مۇراجايدى ءقايتسىن، بار-جوعىنان دا بەيحابار شىعار. ۇسىنىم دايىنداعان -  مينيستر ارىستانبەك مۇحامەديا ۇلى مەن مادەنيەت كوميتەتىنىڭ ءتورايىمى اقتوتى رايىمقۇلوۆا.

ەڭ سوراقىسى، بۇل ەلباسىنىن تاپسىرماسى دەپ قوقيلانادى. ەلباسى كىتاپ مۇراجايىن تارات دەپ پە؟ وزدەرى ءبۇلدىرىپ، جاماناتىن پرەزيدەنتكە جاباتىندارى قالاي؟ وسىلارمەن ەلباسى قالاي كوگەرەدى؟ ەكى شالا مۋزىكانت وسىلايشا ەلباسىنىڭ اتىنان مادەنيەتتى توزدىرىپ جاتىر. ءوز باسىم وسىندا مۇحتار قۇلمۇحاممەدتىڭ جۇمساۋىمەن بارىپ ەدىم. مەنى قويشى، توز-توز بولاتىن سيرەك كىتاپتار مەن قولجازبالاردىڭ وبالى قايدا؟ ...اياق استىنان نە مۇحتار قۇل-مۇحاممەد، نە دارحان مىڭباي قايتا ورالىپ مينيستر بولا قالسا، قانشا قۇندى جادىگەر وپاتتان قۇتقارىلار ەدى؟ "نۇر وتانىم" دا جۇمعان اۋزىن اشپادى. سودان سوڭ قيالداپ جاتقانىم عوي. ارىستانبەك پەن اقتوتى قيالداۋعا تىيىم سالا الماس!

ءجۇرسىن ەرماننىڭ «فەيسبۋكتەگى» پاراقشاسىنان الىندى