اقتوبەلىك تۇلەكتەردى «ديپلوممەن اۋىلعا» باعدارلاماسى بويىنشا جۇمىس ىستەۋگە ىنتالاندىرۋ جۇمىستارى قارقىندى ءجۇرىپ جاتىر. وبلىسقا قاراستى بىرنەشە اۋدان مارات وسپانوۆ اتىنداعى باتىس قازاقستان مەديسينا ۋنيۆەرسيتەتىنىڭ ستۋدەنتتەرىمەن كەلىسىمشارتقا وتىرعان. ديپلومى قولعا تيگەن جاستار بىردەن سول اۋداندارعا بارادى، - دەپ حابارلايدى 24.kz ارناسى.

باسپانا ساتىپ الۋعا 2 ملن 900 مىڭ تەڭگە پايىزسىز نەسيە بەرىلەدى. سونىمەن بىرگە ءبىر رەتتىك كوتەرمە جاردەماقى تاعى بار. وتكەن جىلى 8 دارىگەر-مامان باسپانامەن قامتىلدى. وسىنداي جولمەن كادر تاپشىلىعى ماسەلەسى شەشىمىن تاۋىپ جاتىر. بىلتىر 154 دارىگەردىڭ ورىنى بوس تۇرسا، بيىل 94-كە دەيىن ازايدى. ءبىلىم بەرۋ سالاسىندا دا اۋقىمدى جۇمىستار اتقارىلدى. وتكەن 6 جىلدا 2 مىڭ 385 جاس ءمۇعالىم اۋدان-اۋىل مەكتەپتەرىنە ورنالاسقان. مەديسينا ۋنيۆەرسيتەتىنىڭ ستۋدەنتى ءمولدىر بولەكبايەۆا ديپلوم العاسىن ءوزىنىڭ تۋعان اۋىلىنا بارعىسى كەلەدى.

ءبىتىرۋىمىزدىڭ سوڭعى جىلى. بۇيىرسا، بىتىرگەننەن كەيىن ءوز اۋدانىما بارعىم كەلەدى. ويتكەنى ءبىزدىڭ اۋداندا وسى كۇنگە دەيىن اكۋشەر-گينەكولوگ مامانى تاپشى. «ديپلوممەن اۋىلعا» باعدارلاماسى بارلىق جاعدايدى جاسايدى. سول سەبەپتى ەشقانداي كۇمان جوق. قازاقستاننىڭ قانداي اۋدانىنا شاقىرسا دا، بارلىعىندا جۇمىس جاساۋعا دايىنبىز، دەيدى م.وسپانوۆ اتىنداعى بقمۋ ستۋدەنتى ءمولدىر بولەكبايەۆا.