استانادا "ماحاببات" تۇرعىن ءۇي كەشەنىنىڭ ونداعان تۇرعىنىن، ونىڭ ىشىندە وقۋشى بالالاردى دا نارازىلىق اكسياسى كەزىندە پوليسيا ۇستاپ اكەتتى دەلىنگەن اقپاراتتى ءبىراز ۋاقىت بۇرىن جازعان ەدىك. نارازى توپتى كولىككە تيەپ، بالالاردىڭ جىعىلعاندارىنا قاراماي، ءوز دەگەندەرىن ىستەپ جاتقان ءتارتىپ ساقشىلارىنىڭ ارەكەتىن قالاي تۇسىنۋگە بولادى؟
ازاتتىق راديوسىنىڭ سوڭعى اقپاراتىنا قاراعاندا، نارازىلىق شاراسىنا شىققانى ءۇشىن ەسىل اۋداندىق پوليسيا بولىمىنە اپارىلعان ازاماتتار - استاناداعى "ماحاببات" تۇرعىن ءۇي كەشەنىنىڭ تۇرعىندارى (ارالارىندا بالالار دا بار) بىرەر ساعاتتان سوڭ بوساتىلدى.
بەس ايەل ءبىر ايدىڭ ىشىندە 111-باپ ("كامەلەتكە تولماعان ادامدى اكىمشىلىك قۇقىق بۇزۋعا كىرىستىرۋ") بويىنشا اكىمشىلىك سوتقا تارتىلماق. سوتقا دەيىن بوساتىلعان ول ادامداردىڭ كامەلەتكە تولماعان بالالارى بار. نارازىلىق شاراسىنا قاتىسقان ازاماتتاردىڭ ءبىرى سالتانات شيازوۆا وقيعانى تاراتاۋعا كەلگەن پوليسەيلەردىڭ ايەلدەر مەن بالالارعا دورەكەلىك كورسەتكەنىن ايتادى.
پىكىر قالدىرۋ