ءاليحان بوكەيحاننىڭ 150 جىلدىعى مەملەكەتتىك دەڭگەيدە اتالىپ ءوتىلۋى كەرەك. بۇل ۇسىنىستى بۇگىن استانادا «الاش» ۇلت-ازاتتىق قوزعالىسىنىڭ كوسەمى ءاليحان بوكەيحاننىڭ تۋعانىنا 148 جىل تولۋىنا وراي وتكەن «ءاليحان بوكەيحان. ماركسيزم قاعيداسىنان ۇلتتىق «الاش» يدەياسىنا دەيىنگى ەۆوليۋسيالىق جول» اتتى رەسپۋبليكالىق كونفەرەنسيادا اكادەميك سەرىك قيرابايەۆ ايتتى، دەپ حابارلايدى BAQ.KZ ءتىلشىسى.
«احمەت بايتۇرسىنۇلىن، ءمىرجاقىپ دۋلاتۇلىن زەرتتەيىك دەسەك ءاليحان بوكەيحانسىز دەرەككە قول جەتكىزۋ مۇمكىن ەمەس. ءبىز سوندىقتان الاش تاريحىن زەرتتەۋدى ءاليحان بوكەيحاننان باستاۋدى ءجون كوردىك. ءاليحان – بارلىق تاقىرىپقا جۇيرىك ادام بولعان. ءاليحانسىز ءمىرجاقىپ پەن احمەتتەر ساياساتقا قادام باسپاعان. بۇگىنگى ايتىپ جۇرگەن «ماڭگىلىك ەل»، «قازاق ەلى» دەگەن يدەيالاردىڭ باسىندا ءاليحان تۇرعانىن ۇمىتپاۋىمىز كەرەك. سوندىقتان، ءاليحان بوكەيحاننىڭ 150 جىلدىعىن مەملەكەتتىك دەڭگەيدە اتاپ ءوتۋىمىز كەرەك»، - دەدى س.قيرابايەۆ.
ايتا وتەيىك، 2016 جىلى الاش كوسەمى ءاليحان بوكەيحاننىڭ تۋعانىنا 150 جىل تولادى. وسىعان وراي بەلگىلى الاشتانۋشى عالىمدار مەن قوعام قايراتكەرلەرى ءوز ۇسىنىستارىن بىلدىرۋدە.
سونىمەن قاتار، «ءاليحان بوكەيحان. شىعارمالارىنىڭ 9 تومدىق جيناعى» اتتى ەڭبەكتىڭ تۇساۋكەسەرى ءوتتى. الاش قايراتكەرى ءاليحان بوكەيحاننىڭ مۇرالارىن توپتاستىرعان بۇل جيناق «الاش» ۇلت-ازاتتىق قوزعالىسىنىڭ كوسەمى ءاليحان بوكەيحاننىڭ تۋعانىنا 148 جىل تولۋىنا وراي وتكەن «ءاليحان بوكەيحان. ماركسيزم قاعيداسىنان ۇلتتىق «الاش» يدەياسىنا دەيىنگى ەۆوليۋسيالىق جول» اتتى رەسپۋبليكالىق كونفەرەنسيانىڭ اياسىندا تانىستىرىلدى.
نۇرسەرىك جولبارىس، عابيت مادالييەۆ (فوتو).
پىكىر قالدىرۋ