"قىرىم جوعارعى كەڭەسى اۆتونوميا رەتىندە رەسەي قۇرامىنا كىرۋ تۋرالى شەشىم قابىلدادى" دەپ حابارلايدى Tengrinews.kz ريا نوۆوستي اقپارات قۇرالىنا سىلتەمە جاساپ. "قىرىم اۆتونوميالىق رەسپۋبليكاسى جوعارعى كەڭەسى رەسەي پرەزيدەنتى جانە رەسەي فەداراسياسى فەدەرالدىق جيىنىنا رەسەي فەدەراسياسى قۇرامىنا رف سۋبەكتى بولىپ كىرۋ پروسەدۋراسىن باستاۋدى ۇسىنادى" دەلىنگەن شەشىم ماتىنىندە. سونداي-اق، قىرىم اۆتونوميالىق رەسپۋبليكاسى ستاتۋسى تۋرالى رەفەرەندۋم 16 ناۋرىزعا قالدىرىلدى. شارا بارىسىندا ەكى ساۋال قارالادى. "ءبىرىنشى - ءسىز قىرىمنىڭ رف سۋبەكتى بولىپ رەسەي قۇرامىنا كىرۋىن قولدايسىز با؟ ەكىنشى - ءسىز 1992 جىلى قابىلدانعان قىرىم كونستيتۋسياسىن قالپىنا كەلتىرۋدى قالايسىز با؟" دەيدى تەمىرعالييەۆ. 1992 جىلعى قىرىم كونستيتۋسياسى بويىنشا رەسپۋبليكا ۋكراينا مەملەكەتىنىڭ قۇرامىنا كىرەدى جانە ونىمەن ارا قاتىناسىن كەلىسىم-شارتتار نەگىزىندە انىقتايدى. ەسكە سالا كەتەيىك، بۇعان دەيىن قىرىمنىڭ اۆتونوميا مارتەبەسى جونىندەگى رەفەرەندۋم ناۋرىزدىڭ 30-ىندا وتەتىنى حابارلانعان ەدى. "قاجەتتىلىككە بايلانىستى ءبىز قىرىم اۆتونوميالىق رەسپۋبليكاسىنىڭ مارتەبەسى تۋرالى رەفەرەندۋم وتكىزۋدى جەدەلدەتۋدى ۇيعاردىق. رەفەرەندۋم 30 ناۋرىزعا بەلگىلەندى"، - دەگەن ەدى سول كەزدە قىرىم ۇكىمەتىنىڭ وكىلدەرى.