الماتى قالاسى مەدەۋ اۋدانىنىڭ №2 سوتى جەمقورلىق قىلمىس جاسادى دەپ ايىپتالعا قازاقستان جۋرناليستەر وداعىنىڭ ءتوراعاسى سەيىتقازى ماتايەۆتى ەكى اي مەرزىمگە ءۇي قاماققا الۋ تۇرىندەگى بۇلتارتپاۋ شاراسىن قولدانۋ تۋرالى قاۋلى قابىلدادى، - دەپ حابارلايدى «قامشى» پورتالى «استانا» ارناسىنا سىلتەمە جاساپ.

سوت قاۋلىسى بۇگىن كەشكە جاريالاندى. سوتتا جەدەل-تەرگەۋ توبىنىڭ جەتەكشىسى مەن پروكۋرور وسىنداي بۇلتارتپاۋ شاراسىن قولدانۋدى، ماتايەۆتىڭ قورعاۋشىسى كەپىلدىكپەن بوساتۋدى سۇراعان بولاتىن. ءۇي قاماققا الىنعان ماتايەۆقا عالامتوردى قوسا العاندا، بايلانىس قۇرالدارىنىڭ بارلىق تۇرلەرىن پايدالانۋعا تىيىم سالىندى.

سەيىتقازى ماتايەۆتىڭ ءوزى تاعىلعان ايىپپەەن كەلىسپەيتىنىن جانە ەلدەن ەشقايدا كەتۋ ويى جوقتىعىن، كىناسىزدىگىن دالەلدەيتىنىن ايتتى.

ەستەرىڭىزگە سالساق، سەيىتقازى ماتايەۆقا الماتى قالاسى بويىنشا جەمقورلىق قىلمىستارعا قارسى ءىس-قيمىل دەپارتامەنتى اسا ءىرى كولەمدە قارجى جىمقىردى، سالىق تولەۋدەن جالتاردى دەگەن ايىپ تاعىپ، قاماۋعا العان بولاتىن. جەمقورلىققا قارسى قىزمەت وكىلدەرى، سونىەن قاتار سەيىتقازى ماتايەۆتىڭ ۇلى، «قازتاگ» اقپارات اگەنتتىگىنىڭ باس ديرەكتورى اسەت ماتايەۆتى دا تەرگەگەن ەدى.

،