وسىدان ەكى جىل ىلگەرىدە بولسا كەرەك، ءبىر بەيتانىس جىگىت كوكەكتە (QQ) كەڭەستە وتىرىپ، كەنەت ماعان مىناداي سۇراق قويدى: «اعا، قازاق قايتسە داميدى؟ » . . .
يا، بۇل ورىندى، ۇلكەن سۇراق قوي، سول كەزدە مەن مىناداي جاۋاپ قاتتىم:
— دامۋ دەيسىز بە؟
— يا، سولاي. قازاقتىڭ دامۋى
— وسىنى سۇراپ وتىرعان سەن ءوزىڭ قازاقسىڭ عوي؟
— ايتارى جوق.
— ەندەشە سەنشە «قازاق» دەگەن نە؟
— قازاق دەگەن ءبىر ۇلت، تاريحى بار، مادەنيەتى، ءتىل جازۋ ءسالت-داستۇرى بار. . .
— يا، دۇرىس ايتىپ وتىرسىڭ، قازاق ءبىر ۇلت اتاۋى. ەندەشە ول جالپى ەسىم. ول تەك ءمالىم ءبىر ادامنىڭ ماڭدايىنا جازىلعان نەمەسە سوعان قارا ايتىلعان ۇعىم ەمەس. بالكىم مىناداي ايتساق، تۇسىنۋگە وڭاي بولار. ادام دەنەسى قۇرۋشى ەڭ كىشكەنە بولشەك ءاربىر ورگان مۇشەلەرىنىڭ بىرلىگى كلەتكالار (جاساۋشا) بولار، ەندەشە وسى ادامنىڭ ساۋ دەنەلى اتپال ازامات بولۋى ءۇشىن ادام دەنەسىنىڭ بارلىق كلەتكالارى ساۋ-دەنەلى، قالىپتى قىزمەت وتەۋى قاجەت بولار.
— يا، سولاي. دۇرىس ايتاسىز.
— ولاي بولسا، قازاقتىڭ دامۋى ءۇشىن، قازاقتى قۇراپ وتىرعان ءاربىر قازاق بالاسى قازاقتىڭ ەڭ كىشكەنە بىرلىگى. قۇراۋشى ەلەمەنت. قازاق تۇلعاسىنىڭ قالاي بولۋى، ءاربىر ەلەمەنتتىڭ قالاي بولۋىمەن تىكە بايلانىستى. قازاقتى قۇراۋشى كلەتكالار بارلىعى ساۋ دەنەلى ءبىلىمدار بولسا، بار كلەتكا ءوزىن دامىتا العان بولسا قازاق دەگەن اتاۋدا ءبىر قادام ىلگەرى باسقان بولار ەدى. ەندەشە قازاقتىڭ قالاي بولۋى قازاقپىز دەپ جۇرگەن ءاربىر قازاق بالاسىنىڭ قالاي بولۋىمەن تىكەلەي بايلانىستى. ەگەر بارىمىز دامىساق، ءارى ءوزىمىزدى دامىتۋدى كۇش سالساق قازاق داميدى. . .
— اعا، بۇل تۇسىنىكتەمەڭىز وتە تاماشا بولدى. مەن بۇدان كوپ نارسەنى سەزىنگەندەي بولىپ وتىرمىن. . .
— ول جاقسى عوي. سەزىنۋدىڭ ءوزى ءبىر باقىت دەيدى. الايدا، مۇندا تۇراقتىلىق تا قاجەت.
— . . . راقمەت اعا. مەن قۇلشىنۋعا ءتيستى ەكەنمىن. . . .
راسىندا ءبىز قۇلشىنۋعا ءتيستىمىز. . . قايرات پەن جىگەر، دەنساۋلىق پەن باياندىلىق تىلەيمىن.
ءتالىپ ءنۇسىپ ۇلى،
IT مامانى، Kazakhsoft.com سايتىنىڭ جەتەكشىسى
پىكىر قالدىرۋ