«ازاماتتارعا ارنالعان ۇكىمەت» مەملەكەتتىك كورپوراسياسى كورسەتىلەتىن مەملەكەتتىك قىزمەتتەردىڭ ءبىرىڭعاي پروۆايدەرى بولادى، - دەپ حابارلايدى «قامشى» پورتالى يندۋستريا جانە دامۋ مينيسترلىگى اقپارات، اقپاراتتاندىرۋ جانە بايلانىس كوميتەتىنىڭ باسپا ءسوز قىزمەتىنە سىلتەمە جاساپ.

كورپوراسيا «جەر كاداسترىنىڭ عىلىمي-وندىرىستىك ورتالىعى» رمك، «جىلجىمايتىن مۇلىك ورتالىعى» رمك، «زەينەتاقى تولەۋ جونىندەگى مەملەكەتتىك ورتالىعى»، «حالىققا قىزمەت كورسەتۋ ورتالىقتارى» رمقك-نىڭ قايتا ۇيىمداستىرىلۋ جولىمەن قۇرىلاتىن بولادى. كورپوراسيانى قۇرۋعا جاۋاپتى ۋاكىلەتتى ورگان ق ر ينۆەستيسيالار جانە دامۋ مينيسترلىگى (بۇدان ءارى – ق ر يدم) بولىپ ايقىندالدى.

مەملەكەتتىك قىزمەتتەردىڭ ءبىرىڭعاي پروۆايدەرى بولاتىن «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىن قۇرۋ تۋرالى» ۇكىمەتتىڭ قاۋلىسىنا 2016 جىلعى  29 قاڭتاردا قول قويىلدى. اعىمداعى جىلدىڭ 1 قاڭتارىنان باستاپ ق ر يدم زاڭنامادا بەلگىلەنگەن تارتىپپەن قاجەتتى ءىس-شارالار جۇرگىزۋدى جانە كورپوراسيانى قۇرۋ راسىمدەرىن باستايدى.

مۇددەلى ۋاكىلەتتى ورگاندار كورپوراسيانىڭ قىزمەتىن جانە مەملەكەتتىك قىزمەتتەردى ۇسىنۋ ءتارتىبىن رەگلامەنتتەيتىن 140 استام زاڭعا تاۋەلدى نورماتيۆتىك-قۇقىقتىق اكتىنى ازىرلەدى جانە ولار مەملەكەتتىك تىركەۋدەن وتۋدە.

بىرىكتىرىلەتىن كاسىپورىنداردىڭ بارلىق قىزمەتكەرلەرى ءوز جۇمىس ورىندارىن ساقتاپ قالادى. كورپوراسيا كورسەتەتىن قىزمەتتەر سانىنىڭ ارتۋىنا بايلانىستى قازىرگى ۋاقىتتا كورپوراسيانىڭ قۇرامىنا كىرگەن بارلىق كاسىپورىنداردىڭ فرونت-وفيستەرى قىزمەتكەرلەرىن وقىتۋ جۇرگىزىلۋدە.

سول سياقتى، مينيسترلىك ىشكى قۇجاتتامانى، كورپوراسيانىڭ دامۋ جوسپارلارىن ازىرلەۋدى، ينفراقۇرىلىمدى تالداۋ مەن وڭتايلاندىرۋدى، تۇگەندەۋدى قامتيتىن ۇيىمداستىرۋشىلىق جۇمىستار مەن باسقا دا ءىس-شارالار جۇرگىزۋدە.

قولدانىستاعى زاڭناما تالاپتارىنا سايكەس كورپوراسيانى قۇرۋ جونىندەگى بارلىق راسىمدەر اياقتالعانشا دەيىن  «جەر كاداسترىنىڭ عىلىمي-وندىرىستىك ورتالىعى» رمك، «جىلجىمايتىن مۇلىك ورتالىعى» رمك، «زەينەتاقى تولەۋ جونىندەگى مەملەكەتتىك ورتالىعى»،  «حالىققا قىزمەت كورسەتۋ ورتالىقتارى» رمقك ءوز قىزمەتتەرىن بۇرىنعى رەجيمدە كورسەتەتىن بولادى.