«اتامەكەن» ۇلتتىق كاسىپكەرلەر پالاتاسىسىنىڭ ءتورالقا ءتوراعاسى تيمۋر قۇلىبايەۆتىڭ جانە استانا قالاسىنىڭ اكىمى ادىلبەك جاقسىبەكوۆتىڭ قاتىسۋىمەن استانا كاسىپكەرلەرىنىڭ ءىىى جىل سايىنعى كونفەرەنسياسى ءوتتى، - دەپ حابارلايدى «قامشى» پورتالى.  

            كونفەرەنسيادا كاسىپكەرلەردىڭ بيزنەستىك جۇيەلىك ماسەلەلەرى تالقىلاندى.

          «اتامەكەن» ق ر ۇلتتىق كاسىپكەرلەر پالاتاسى باسقارما ءتوراعاسى ابىلاي مىرزاحمەتوۆ استانادا ءساتتى بيزنەس جۇرگىزۋگە كەدەرگى بولىپ وتىرعان جۇيەلى ماسەلەلەرگە توقتالىپ ءوتتى.

          ەڭ الدىمەن استانا قالالىق كاسىپكەرلەر پالاتاسىنىڭ جۇمىسى تۋرالى وكپ ديرەكتورى عاني تاسماعانبەتوۆ بايانداما جاسادى.

ءسوز باسىندا وتكەن جىلى كاسىپكەرلەر پالاتاسىنا كاسىپكەرلەردىڭ قۇقىعىن قورعاۋ بويىنشا 350 شاعىم كەلىپ تۇسكەنىن جانە شاعىمداردىڭ جارتىسىنان استامى بيزنەستىڭ پايداسىنا شەشىلگەنىن اتاپ ءوتتى.

وكپ ديرەكتورى عاني تاسماعانبەتوۆ استانادا ساۋدا ورىندارىنىڭ سانى مەن ساتىپ وتكىزىلەتىن ونىمدەردىڭ تۇرلەرى ۇلعاياتىنىن باياندادى.

«كاسىپكەرلەردىڭ ءوتىنىشى بويىنشا 2016 جىلى استانا اكىمدىگى بولشەك ساۋدا نىساندارىنا ارنالعان ساۋدا ورىندارىنىڭ سانىن جانە بالالار ويىن الاڭدارىن ورنالاستىرۋدى 3 ەسەگە، ياعني 1000 ورىنعا كوبەيتىلدى»،– دەدى ع.تاسماعانبەتوۆ.

          وكپ ديرەكتورىنىڭ ايتۋىنشا، تاعى ءبىر ماڭىزدى ماسەلە – قىزمەت كورسەتۋ جانە تۋريزم سالاسى نىساندارىن حالىقارالىق ستاندارتتارعا سايكەستەندىرۋ. قازىرگى تاڭدا پالاتا استانالىق ينۆەستيسيالار جانە دامۋ باسقارماسىمەن، «استانا كونۆەنشن بيۋرو» ج ش س جانە «استانا ەكسپو-2017» ۇلتتىق كومپانياسى» اق-مەن بىرلەسىپ، قوناق ءۇي بيزنەسى جانە قالانىڭ قوعامدىق تاماقتاندىرۋ سالالارىندا ۇسىنىلاتىن تۋريستىك قىزمەتتەر ساپاسىن باعالاۋدىڭ كريتەرييلەرىن بەكىتتى.

سونىمەن قاتار، استانا قالاسىنىڭ سول جاعالاۋىندا تولىق فورماتتا كاسىپكەرلەرگە قىزمەت كورسەتۋ ورتالىعىن اشۋ ۇسىنىلدى. «كەز كەلگەن جەكە كاسىپكەر ورتالىققا كەلىپ، قاجەتتى اقپاراتپەن قامتاماسىز ەتە الاتىنداي ورىن بولعانى دۇرىس دەپ ويلايمىز»،– دەدى ع.تاسماعانبەتوۆ.

كاسىپكەرلەر كونفەرەنسياسىندا ءسوز العان استانا قالاسىنىڭ اكىمى ادىلبەك جاقسىبەكوۆ استانانىڭ جالپى وڭىرلىك ونىمىندەگى شاعىن جانە ورتا بيزنەستىڭ ۇلەسى 61%-عا جەتكەنىن اتاپ ءوتتى. استانانىڭ نەگىزگى ەكونوميكالىق كورسەتكىشتەرىنە توقتالا كەلە، قالا اكىمى اكىمدىك پەن كاسىپكەرلەردىڭ وڭىرلىك پالاتاسىنىڭ بىرلەسكەن بەلسەندى جۇمىسىنىڭ بيزنەستىڭ دامۋىنا ەلەۋلى ۇلەس قوسىپ جاتقانىن ايتتى.