1992 جىلعى ماۋسىمنىڭ 4-دە تاۋەلسىز قازاقستاننىڭ جاڭا مەملەكەتتىك رامىزدەرى العاش رەت بەكىتىلدى - بۇل كۇن ەل تاريحىندا جاڭا مەملەكەتتىك رامىزدەر كۇنى رەتىندە ماڭگى ەستە ساقتالادى. بيىل ەلباسى ن.نازاربايەۆتىڭ جارلىعىمەن «قازاقستان رەسپۋبليكاسى مەملەكەتتىك جالاۋى تۋرالى»، «قازاقستان رەسپۋبليكاسى مەملەكەتتىك ەلتاڭباسى تۋرالى»، «قازاقستان رەسپۋبليكاسى مەملەكەتتىك ءانۇرانىنىڭ مۋزىكالىق رەداكسياسى تۋرالى» زاڭدار كۇشىنە ەنگەنىنە 20 جىل تولىپ وتىر..

مەملەكەتتىك رامىزدەر - مەملەكەتتىڭ مىزعىماس نەگىزدەرىنىڭ ءبىرى. ەلباسى نۇرسۇلتان نازاربايەۆتىڭ 2007 جىلعى 4 ماۋسىمداعى «ق ر پرەزيدەنتىنىڭ 1968 جىلعى 20 قاڭتارداعى «قازاقستان رەسپۋبليكاسىنداعى كاسىبي جانە باسقا دا مەرەكەلەر تۋرالى» №382 جارلىعىنا تولىقتىرۋلار ەنگىزۋ تۋرالى» № 337 جارلىعىنا سايكەس بۇل كۇن مەرەكەلىك رامىزدەر كۇنى رەتىندە اتاپ وتىلەدى.

مەملەكەتتىك تۋ، مەملەكەتتىك ەلتاڭبا جانە مەملەكەتتىك ءانۇران مەملەكەتتىڭ نەگىزگى رامىزدەرى سانالادى.

كوگىلدىر ءتۇستى تۋىمىز بەن ورتاسىندا شاڭىراق بەينەسىندەگى التىن ساۋلەلى كۇن ورنىققان ەلتاڭبامىز بۇكىل الەمگە قازاقستان رەسپۋبليكاسى اتالاتىن جاڭا تاۋەلسىز مەملەكەت بەينەسىن پاش ەتتى. 1992 جىلى سۋرەتشى شاكەن نيازبەكوۆ سالعان مەملەكەتتىك تۋ بەكىتىلدى. ەگەمەن قازاقستاننىڭ بۇگىنگى ەلتاڭباسى ەكى تانىمال ساۋلەتشى جانداربەك مالىبەكوۆ پەن شوتا ءۋاليحانوۆتىڭ قىرۋار ەڭبەگىنىڭ جەمىسى بولىپ تابىلادى. 1992 جىلى رەسپۋبليكامىز ءانۇراننىڭ ءانى مەن ماتىنىنە كونكۋرس جاريالاندى. تۇڭعىش قازاقستان ءانۇران ءانىنىڭ اۆتورلارى - مۇقان تولەبايەۆ، ەۆگەنيي برۋسيلوۆسكيي مەن لاتيف حاميدي.

2006 جىلعى قاڭتاردىڭ 6-دا جۇمەكەن ناجىمەدەنوۆ پەن نۇرسۇلتان نازاربايەۆتىڭ سوزىنە جازىلعان ءشامشى قالداياقوۆتىڭ «مەنىڭ قازاقستانىم» ءانى قازاقستان رەسپۋبليكاسىنىڭ جاڭا ءانۇرانى بولىپ بەكىتىلدى.

مەملەكەتتىك رامىزدەر تۋرالى كونستيتۋسيالىق زاڭدا «ق ر ازاماتتارى، سونداي-اق رەسپۋبليكا اۋماعىنداعى تۇلعالار قازاقستان رەسپۋبليكاسىنىڭ مەملەكەتتىك رامىزدەرىن قۇرمەتتەۋگە ءتيىس» دەپ بەلگىلەنگەن.

مەملەكەتتىك رامىزدەر كۇنى - قازاقستانداعى مۇلدە جاڭا مەيرام، ايتسە دە ونى قازاقستاندىقتار اسقان پاتريوتتىق سەزىممەن مەرەكەلەيدى.

«قازاقپارات»