قىتايدان كەلەتىن قازاقتار سوتتىلىق تۋرالى انىقتامانى ءوزى تۇرعان ەلدى مەكەننىڭ پوليسيا بولىمشەلەرىنەن الا الادى، - دەپ حابارلايدى «قامشى» پورتالى. بۇل تۋرالى دۇنيەجۇزى قازاقتارى قاۋىمداستىعى ۇيىمداستىرۋ ءبولىمىنىڭ مەڭگەرۋشىسى بوتاگوز ۋاتقان جاريا ەتتى.

قىتايدان كەلەتىن قازاقتارعا بۇعان دەيىن ازاماتتىق الۋ ءۇشىن سوتتىلىعى تۋرالى انىقتاما ۇسىنۋعا مىندەتتەلگەن بولاتىن. ول انىقتامانى الۋدىڭ تەتىكتەرى مەن تارتىبىنەن بەيحابار بىلايعى جۇرت ءبىرشاما قيىندىقتارعا تاپ بولدى. سونىمەن قاتار، ورالمانداردى زەينەتاقىمەن قامتۋ ماسەلەسىنە قاتىستى دا باسى اشىلماعان جاعداياتتار جەتكىلىكتى بولاتىن. وسى ماسەلەگە وراي دۇنيەجۇزى قازاقتارى قاۋىمداستىعى ەل ۇكىمەتىنە، ىشكى ىستەر، سىرتقى ىستەر مينيسترلىكتەرىنە، باسقا دا وكىلەتتى مەملەكەتتىك ورگاندارعا حات جولداعان ەكەن. اتالعان حاتقا العاش بولىپ ق ر دەنساۋلىق ساقتاۋ جانە الەۋمەتتىك دامۋ مينيسترلىگى جاۋاپ قاتىپتى.

مينيسترلىكتىڭ جاۋاپ حاتىندا:

«...مۇددەلى ورتالىق مەملەكەتتىك ورگاندارمەن بىرلەسە قاراپ، كەلەسىنى حابارلايدى. 
«ق ر ءىىم-نىڭ قر-ىندا تۇراقتى تۇرۋعا رۇقسات الۋى ءۇشىن قحر ازاماتتارىنىڭ سوتتىلىعى/سوتتىلىعىنىڭ جوقتىعى تۋرالى انىقتاماعا قاتىستى سۇراۋىنا قر-داعى قحر ەلشىلىگىنىڭ بەرگەن جاۋابىنا سايكەس اتالعان انىقتامانى جەكە تۇلعانىڭ تالابى بويىنشا ونىڭ تۇرعىلىقتى جەرىندەگى پوليسيانىڭ ۋچاسكەلىك بولىمشەلەرى بەرەدى. جانە ونىڭ بەكىتىلگەن بىركەلكى ۇلگىسى جوق.
ەلشىلىك ۇسىنىلعان انىقتاما كۇماندىك تۋدىراتىن بولسا ونىڭ ءتۇپنۇسقاسىن راستاپ بەرۋگە دايىن ەكەندىگىن حابارلاعان.

قحر-نىڭ زاڭناماسىنا سايكەس /رەسمي اۋدارمانى ءسىم بەرگەن/ قىتايلىق ازاماتتارعا پاسپورت راسىمدەۋ، ولار سوت شەشىمىنە سايكەس جازاسىن وتەپ جاتقان جاعدايدا عانا رۇقسات بەرىلمەيدى («پاسپورت بەرۋ ءتارتىبى تۋرالى» 2006 ج. 29 ساۋىردەگى قحر زاڭىنىڭ 13 ب). جۇڭگو ازاماتتارىنا «ەگەر تۇلعانىڭ جازاسى وتەلمەگەن بولسا، ەلدەن شىعۋعا تيىم سالىنۋى مۇمكىن» («كىرۋ جانە شىعۋ ماسەلەلەرىن باسقارۋ تۋرالى» 2012ج .30 ماۋسىمىنداعى قحر زاڭىنىڭ 12 ب).

وسىلايشا، جۇڭگو زاڭناماسى سوتتالماعان نەمەسە بۇرىن سوتتى بولعان ازاماتتاردىڭ شەت ەلگە شىعۋىن شەكتەمەيدى. بۇل زاڭناما جەرگىلىكتى ۇلت وكىلى بولىپ سانالمايتىن ازاماتقا دا ورتاق.

قىتايدا سوتتىلىعى تۋرالى انىقتامانى جەرگىلىكتى پوليسيا ورگانى بەرەدى.
قورىتىندىلاي كەلە، تۇراقتى تۇرۋعا رۇقسات الۋ ءۇشىن قاجەتتى قۇجاتتار تىزىمىنەن تۇلعانىڭ سوتتىلىعى تۋرالى انىقتامانى الىپ تاستاۋ قىلمىستىق ەلەمەنتتەردى باقىلاۋ مۇمكىندىگىنە ءقاۋىپ تۋعىزادى دەپ ەسەپتەيمىز.
قر-نىڭ اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامداردى، ورالمانداردى زەينەتاقىمەن قامسىزداندىرۋ قر-نىڭ زاڭناماسىنا سايكەس قر-نىڭ ازاماتتارىمەن بىردەي شارتتاردا جۇزەگە اسىرىلادى
ەگەر، ورالمان، شەتەلدىك نەمەسە ازاماتتىعى جوق ادام تمد-نا قاتىسۋشى مەملەكەتتەردىڭ ءبىرىنىڭ ازاماتى بولىپ تابىلعان جاعدايدا، وندا ولارعا 1992 جىلعى 13 ناۋرىزداعى تمد –نا قاتىسۋشى مەملەكەتتەر ازاماتتارىنىڭ زەينەتاقىسىمەن قامسىزداندىرۋ سالاسىنداعى قۇقىقتارىنا كەپىلدىك بەرۋ تۋرالى كەلىسىمنىڭ نورمالارى قولدانىلادى.

وسى كەلىسىم كەلىسىمگە قاتىسۋشى مەملەكەتتەردىڭ شەڭبەرىندە ورىن اۋىستىرعان جاعدايدا زەينەتاقىمەن قامسىزداندىرۋ ماسەلەلەرىن رەتتەيدى، سەبەبى ول مەملەكەتتەردە زەينەتاقىمەن قامسىزداندىرۋ اۋماقتىق پرينسيپ بويىنشا جۇزەگە اسىرىلادى. وسى كەلىسىم قازىرگى كەزدە دە قولدانىلادى.
ودان باسقا، قازىرگى تاڭدا ەاەوتىڭ مۇشە مەملەكەتتەرىنىڭ ۋاكىلەتتى مەملەكەتتىك ورگاندارى ەاەو مۇشە مەملەكەتتەرىنىڭ اراسىنداعى زەينەتاقىمەن قامىزداندىرۋ سالاسىنداعى ىنتىماقتاستىق تۋرالى كەلىسىمدى دايىنداۋ جۇمىستارىن جۇرگىزۋدە»، – دەلىنگەن.