قازاقستاندىقتار ناۋرىز مەرەكەسىنە وراي بەس كۇن دەمالاتىن بولدى، - دەپ حابارلايدى «قامشى» پورتالى Egov.kz پورتالىنداعى دەمالىس كۇنتىزبەسىنە سىلتەمە جاساپ.

سەنبى، جەكسەنبىگە كەلەتىن 19،20 ناۋرىز كۇنگى دەمالىستار 21،22،23 ناۋرىزداعى مەرەكەلىك دەمالىسقا ۇلاسادى. ءسويتىپ، الداعى جۇمىس اپتاسى بەيسەنبى كۇنى باستالادى.

مەرەكەگە وراي الماتى قالاسىندا تاۋەلسىزدىكتىڭ 25 جىلدىعى جانە الماتى قالاسىنىڭ 100 جىلدىعى اياسىندا جاپپاي مەرەكەلىك شارالار وتەدى.

استانادا دا ناۋرىز مەيرامىنا وراي 70 شاقتى مەرەكەلىك ءىس-شارالار ۇيىمداستىرىلادى. 21 ناۋرىز كۇنى «سارىارقا» ۆەلوترەگىندە، «استانا ارەنا» ستاديونىندا، «قازاق ەلى»، «بايتەرەك» مونۋمەنتتەرىنىڭ ماڭىندا جانە قالا الاڭدارى مەن ساياباقتارىندا جالپى حالىقتىق شارالار وتەدى دەپ كۇتىلۋدە.