استاناداعى «سارىارقا» ۆەلوترەگىندە مەملەكەت باسشىسى نۇرسۇلتان نازاربايەۆتىڭ قاتىسۋىمەن «نۇر وتان» پارتياسىنىڭ جەڭىمپازدار فورۋمى وتۋدە، - دەپ حابارلايدى «قامشى» پورتالى.

فورۋمعا «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ، پارتياعا مۇشە تانىمال ازاماتتار، سپورتشىلار مەن انشىلەر قاتىسۋدا.

«ءبىز كەشە جەڭىسكە جەتتىك. قازاقستاننىڭ بارلىق كوپەتنوستى حالقى جەڭىسكە جەتتى. وسى جاڭا قازاقستان حالقى اسسامبلەياسىنان سايلاناتىن دەپۋتاتتاردىڭ سايلاۋى دا ءوتتى. قازاقستاندىقتاردىڭ 77 پايىزدان استامىنىڭ (سايلاۋعا – رەد.) قاتىسۋى – رەكورد. «نۇر وتان» سايلاۋشىلاردىڭ 82 پايىزىنىڭ سەنىمىن يەلەندى. بۇل دا رەكورد»، - دەدى ەلباسى.

وسىنداي رەكوردتىق دەڭگەيدەگى سەنىم بىلدىرگەن حالىققا ەلباسى ريزاشىلىعىن ءبىلدىردى.

«ءبىزدىڭ بىرگە ەكەنىمىزدى، ءبىزدىڭ كەز كەلگەن قيىندىقتى جەڭەتىنىمىزدى كورسەتتىڭىزدەر (...) بۇل ءبىزدىڭ 25 جىلدىق تاۋەلسىزدىگىمىزدەگى دەموكراتيانىڭ ۇلى جەتىستىگى»، - دەپ اتاپ ءوتتى ن. نازاربايەۆ.

ەستەرىڭىزگە سالا كەتەيىك، بۇگىن ق ر ورتالىق سايلاۋ كوميسسياسى ءماجىلىس سايلاۋىنىڭ ناقتى ناتيجەلەرىن جاريا ەتكەن بولاتىن. سايلاۋ قورىتىندىسى بويىنشا، «نۇر وتان» پارتياسى  82،15، قازاقستان كوممۋنيستىك حالىق پارتياسى  7،14، قازاقستاننىڭ «اق جول» دەموكراتيالىق پارتياسى  7،18، «بىرلىك» ساياسي پارتياسى  0،29،  جالپىۇلتتىق سوسيال-دەموكراتيالىق پارتيا  1،18، «اۋىل» حالىقتىق-دەموكراتيالىق پارتيوتتىق پارتياسى  2 پايىز داۋىس جيناعان بولاتىن.