ءبىر كەزدەرى ساحناعا جارق ەتىپ شىعىپ، كوپتىڭ ىۋستىق ىقىلاسىنا بولەنگەن ونەر جۇلدىزدارىنىڭ ءبىر توبى بۇگىندە ەل نازارىنان تىس قالۋدا. ولاردىڭ ءبىرشاماسىن بىلايعى جۇرت ساحنادان كورۋدەن قالدى. سول جۇلدىزدار ءقازىر قايدا ءجۇر؟ نەمەن اينالىسۋدا؟
بۇل سۇراقتىڭ جاۋابىن Baistars.kz ازىرلەگەن شولۋدان تابارسىز، بالكىم.
باقىت شادايەۆا ونەردەگى جولى 1988 جىلى باستاعان. «جاس جىگەر» بايقاۋىنا قاتىسقان جاس ءانشى لاۋرەات اتاندى. ستۋديانى بىتىرگەن سوڭ مەملەكەتتىك «گۇلدەر» انسامبلىنە جولداما الدى. شادايەۆا شىرقاعان «اڭسا جانىم»، «جاۋىن»، «الماتىم – سۇلۋ استانام»، «دوستارىم»، «ءومىر – ارمان» اندەرى تىڭدارمان قاۋىمعا كەڭىنەن تانىمال. دەسەك تە، ءانشى سوڭعى كەزەرى ەل الدىنا كوپ شىعا بەرمەيتىن بولعان. وسى ولقىلىقتىڭ ورنىن تولتىرۋ ماقساتىندا شادايەۆا جاڭا ءان جازىپ، بەينەبايان ءتۇسىرۋدى قولعا الىپتى.
قايرات تۇنتەكوۆ "Superstar kz" تەلەجوباسى جۇلدىزىن جاققان ونەرپاز. ەكىنشى جىلى وتكىزىلگەن جوبادا قايراتتى ەل تاڭداپ، جەڭىمپاز قىلادى. اندەر جازىپ، بىرنەشە حالىقارالىق ءان بايقاۋلارىندا ءوز باعىن سىناپ كورەدى. ءبىراق 2013 جىلى ءانشىنىڭ قاتىسۋمەن جول اپاتى ورىن الادى. ءانشى ماساڭ كۇيدە كولىك جۇرگىزگەنى جانە قۇجاتتارى دۇرىس ەمەستىگى انىقتالادى. وسى كولىك قاقتىعىسى ەل نازارىنا ىلىگىپ، ءانشىنىڭ ابىرويىنا نۇقسان كەلگەن بولاتىن. مىنە، سودان بەرى قايرات كوگىلدىر ەكراننان كورىنبەي كەتتى.
«نۇرلان مەن مۇرات» توبى 2000 جىلدارى ەرەكشە تانىمال ەدى. توپتىڭ "جۇلدىزىم"، "شاشى ۇزىن قىز"، "ءلايلا"، "جاۋلاپ الدى ماحاببات" اندەرى حيت ەدى. توپتىڭ عۇمىرى ۇزاققا بارماي، نۇرلان مەن مۇرات ەكى جاققا كەتەدى. ال مۇرات 2007 جىلى انشى-سازگەر، گيتاراشى ۇلىقپان جولداسوۆتىڭ باستاماسىمەن قۇرىلعان «كاسپيي» توبىنا قۇرامىندا ءان سالادى. ۋاقىت وتە كەلە، "كاسپيي" توبى دا تارقايدى. قازىرگى كەزدە نۇرلان مەن مۇرات قايتا بىرىگىپ، باياعى تانىمالدىقتارىن قايتارعىسى كەلىپ ءجۇر.
سىرىم يسابايەۆتى "مەن سەنى سۇيەدى ەكەنمىن"، «اق گۇلدەر»، «كەكىلدى قىز»، اندەرى ارقىلى حالىق جاقسى تانيدى. ول قازىرگى كەزدەگى ەڭ تانىمال انشىلەردىڭ ءبىرى قايرات نۇرتاسپەن بىرگە «بەكەر-اق جولىققان ەكەنمىن»، «قيمايمىن»، «جاس داۋرەن» سىندى اندەردى دۋەت بولىپ ورىنداعان بولاتىن. تالاي قىزدىڭ ارمانى بولعان سىرىم 2012 جىلى شاڭىراق كوتەرەدى. ال 2011 جىلى سىرىم «الىپ قاشۋ وپەرسياسى» اتتى فيلمدە باستى ءرولدى سومدايدى. قازىرگى ۋاقىتتا يسابايەۆ مىرزانى حالىق مۇلدە كورمەي كەتتى.
"اق كەلىن" انىمەن تالاي قىزدى "ۇزاتقان" ءانشى گاۋھار الىمبەكوۆانىڭ داۋىسىن ەستىمەگەلى ءبىراز جىل بولدى. "شاقىرسا بولدى، جۇگىرىپ باراتىن نەمەسە: «كوپتەن بەرى شاقىرماي كەتتىڭدەر عوي»، – دەپ ءوزى حابارلاسىپ، سۇرانىپ ەفيرگە شىعاتىن انشىلەردى دە بىلەمىن. بۇل دۇرىس ەمەس. ەل ءبىزدى قالاي قۇرمەتتەسە، ولاردىڭ پاتشا كوڭىلىنە ءبىز دە سونداي قۇرمەتپەن قاراۋىمىز كەرەك" -دەيتىن ءانشى حالىققا رەنجىدى مە، مۇلدە ساحنادان كورىنبەي كەتتى.
كوپتەگەن حيت اندەردىڭ ورىنداۋشىسى، اسەم اندەرىمەن حالىقتىڭ جۇرەگىنە جول تابا بىلگەن اسقار جۇنىسبەكوۆ قايدا جۇرگەنى بەيمالىم. ول "حات جازىپ تۇر"، "تولعاناي"، "پەرىشتەم"، "اق قايىڭ" سياقتى ۇزدىك اندەردى ۇسىنعان ءانشىنى حالىق ساعىندى.
ءانشى، اكتريسا، اندەر اۆتورى، ق ر ەڭبەك سىڭىرگەن قايراتكەرى، «ميۋزيكولا» توبىنىڭ ءانشىسىى كارينا ابدۋللينا تۇرمىس قۇرعاننان كەيىن انشىلىگىن ىسىرىپ قويدى. 2015 جىلى دۇنيەگە ۇل بالا اكەلگەن ءانشى ساحنادان ۋاقىتشا كەتەتىندىگىن ايتقان. "بالانى دۇنيەگە اكەلۋ مەن ءۇشىن جاۋاپتى قادام. ەسترادادا ءساتتى كارەرا جاسادىم، ەندى ءوزىمدى بالا تاربيەسىنە ارناي الامىن"، - دەدى كارينا. ءانشى قايتادان ونەرگە كەلەدى ما، جوق پا ونى ۋاقىت كورسەتەدى.
جەكە بيزنەسىن قولعا العان ءانشى دينارا قىرىقبايەۆا ساحنادان الىس كەتتى. كاسىپكەرلىك ءىسى العا دوڭگەلەتكەن دينارا جەكە ومىرىنە كوڭىل بولگەن-دى. بۇگىندە ول - جاس انا. قىزى ايشانىڭ قىزىعىنا تويماي جۇرگەن ءانشى انشىلىگىن تاستاپ كەتكەن سىڭايلى. دەسەك تە، قىلىقتى قىزدىڭ اندەرى تىڭدارماندارىنىڭ ەسىندە.
"مەن قازاقپىن" دەپ بار قازاقتى پاتريوتتىققا شاقىرعان ءانشى ەربولات قۇدايبەرگەنوۆتى ەل ءالى ۇمىتا قويعان جوق. جاستاردى ەرەكشە اندەرىمەن باۋراپ العان ەربولاتتىڭ كوپتەگەن اندەرى حيت بولعان-دى. دەسەك تە، ءانشى ءقازىر ساحنادا ەمەس، جەكە ستۋدياسىندا جۇمىس ىستەپ جۇرگەن ەكەن.
2000 جىلدارى تانىمال بولعان "NNBek" توبى دا ساحنادان الىس كەتتى. تىڭدارماندارىنىڭ جۇرەگىنە «قىزدار-اي» انىمەن جول تاۋىپ، كەزىندە حيت شەرۋدىڭ العاشقى ساتىسىنان كورىنگەن توپ 2014 جىلى جاڭا قۇراممەن، جاڭا بەينەبايانمەن كورەرمەن الدىنا شىعادى دەگەن. ءبىراق، حالىق توپتىڭ جاڭا اندەرىن ەستىمەدى.
پىكىر قالدىرۋ