پاۆلودار وبلىسىندا بانكوماتتان 14 ملن. تەڭگە ۇرلاۋ ارەكەتى فاكتىسى بويىنشا قىلمىستىق ءىس قارالدى، - دەپ حابارلايدى «قامشى» پورتالى قازاقپاراتقا سىلتەمە جاساپ.

«شارباقتى اۋداندىق سوتىندا پىشاقتىڭ كومەگىمەن بانكوماتتىڭ ىشىندە بولعان اقشالاي قاراجاتتى، دالىرەك ايتقاندا، 14 015 000 تەڭگەنى ۇرلاماق بولعان شارباقتى اۋىلىنىڭ 24 جاستاعى تۇرعىنىنا قاتىستى قىلمىستىق ءىس قارالدى. الايدا ول بانكوماتتى اشا الماعان»، - دەپ حابارلادى پاۆلودار وبلىستىق سوتىنىڭ باسپا ءسوز قىزمەتىنەن.

بانكوماتتىڭ ءبۇلىنۋى 332 960 تەڭگەگە باعالانعانى اتاپ وتىلەدى.

سوت ازامات ك-نى «اسا ءىرى كولەمدەگى ۇرلىق جاساۋعا وقتالۋ» بابى (قك-نىڭ 24-بابىنىڭ 3ء-بولىمى؛ 188-باپتىڭ 4ء-بولىمىنىڭ 3-تارماعى) بويىنشا ايىپتى دەپ تانىپ، وعان مۇلكىن تاركىلەۋمەن بىرگە شارتتى تۇردە 3 جىلعا باس بوستاندىعىنان ايىرۋ جازاسىن كەستى.