جاقىندا اقتوبە قالاسىنداعى «نۇر وتان» پارتياسىنىڭ فيليالىندا «ءعىلىم-بىلىم-وندىرىس – 2016» يننوۆاسيالىق جوبالار فورۋمى اياسىندا ءال-فارابي اتىنداعى قازۇۋ عالىمدارىنىڭ اقتوبە ايماقتىق ونەركاسىپتىك كاسىپورىندارىنىڭ وكىلدەرىمەن بىرلەسكەن تاجىريبەلىك-كونسترۋكتورلىق جانە يننوۆاسيالىق جوبالارىنىڭ كورمەسى ۇيىمداستىرىلدى، - دەپ حابارلايدى «قامشى» پورتالى.

فورۋم وبلىس اكىمى بەردىبەك ساپاربايەۆتىڭ باستاماسىمەن ونەركاسىپتىك كاسىپورىندار، بيزنەس جانە عىلىم اراسىندا تىكەلەي ديالوگتى جۇزەگە اسىرۋ ءۇشىن ۇيىمداستىرىلدى. ۋنيۆەرسيتەت عالىمدارى مەتاللۋرگيا، مۇناي جانە كومىر حيمياسى، حيميالىق تەحنولوگيالار، بيوتەحنولوگيا، ەكولوگيا، ەنەرگوتيىمدىلىك جانە ءبىلىم سالالارىنا زەرتتەۋلەر ەنگىزۋگە ارنالعان 20-دان استام جوبانى كورسەتتى.

كورمە بارىسىندا عالىمدار مەن ونەركاسىپ وكىلدەرى اراسىندا اقتوبە وبلىسىنىڭ كاسىپورىندارىنا وتاندىق يننوۆاسيالاردى ەنگىزۋ جولدارىن ىزدەستىرۋ ماسەلەلەرى بويىنشا قىزۋ پىكىرتالاس تۋىندادى.

ءال-فارابي اتىنداعى قازۇۋ-دا ۋنيۆەرسيتەت عالىمدارىنىڭ يننوۆاسيالىق تەحنولوگيالارىن وندىرىسكە ەنگىزۋدىڭ جاقسى تاجىريبەسى قالىپتاسقان. مىسالى، ۋنيۆەرسيتەت عالىمدارى ويلاپ تاپقان مۇنايمەن بۇلىنگەن توپىراقتى تازارتۋعا ارنالعان جابدىقتار  «جاڭاجول» كەن ورنىنىڭ مۇناي قالدىقتارىن  جينايتىن پوليگونىندا تابىستى تۇردە سىناقتان ءوتتى، «سۇيىق سينتەتيكالىق وتىن» ج ش س كاسىپورنىندا كومىردەن مازۋت جانە بەنزين فراكسيالارىن الاتىن قوندىرعىنىڭ العاشقى نۇسقاسى ورناتىلدى، كريوگەندىك تەحنولوگيالار مەديسينادا قولدانىس تاپتى.

كەزدەسۋدىڭ قورىتىندىلارى بويىنشا ونەركاسىپتىك كاسىپورىندار مەن بيزنەس-قۇرىلىمداردىڭ وكىلدەرى ۋنيۆەرسيتەتپەن بۇدان كەيىنگى ىنتىماقتاستىققا دايىن ەكەندىكتەرىن ءبىلدىردى. بۇگىنگى كۇنى «ساگيز پەترولەۋم جشس-مەن مۇنايدى دايىنداۋ جانە تاسىمالداۋ ۇدەرىستەرىنىڭ تيىمدىلىگىن ارتتىرۋ ءۇشىن ماگنيتتىك اكتيۆاتورلاردى تاجىريبەلىك-وندىرىستىك سىناقتان وتكىزۋ جانە لابوروتوريالىق زەرتتەۋلەر جۇرگىزۋ تۋرالى كەلىسىمگە قول جەتكىزىلدى، وندىرىستىك سيكلعا قوسۋ ماقساتىندا ولاردى كەڭەيتۋ تەحنولوگيسىن جاساۋ ءۇشىن «قازحروم» اق كاسىپورنىنىڭ ونەركاسىپتىك قالدىقتارىنىڭ ۇلگىلەرى بەرىلدى. «سنپس – اقتوعاي مۇنايگاز» اق جانە اقتوبە وبلىسى بويىنشا جولاۋشىلار كولىگى مەن اۆتوموبيل جولدارى باسقارماسى كريوگەندى تەحنولوگيالاردى كەڭىنەن ەنگىزۋ بويىنشا سەرىكتەس بولۋعا دايىن ەكەندىكتەرىن ءبىلدىردى، كومىرسۋتەگىنىڭ سينتەتيكالىق فورمالارى نەگىزىندە جارىق بەرۋ جانە ىلعالدىلىق وتكىزگىشتەرىن جاساۋ بويىنشا جوبالار وبلىس اكىمشىلىگىن قىزىقتىردى.

ۋنيۆەرسيتەت ءوز كەزەگىندە اقتوبە قالاسىنىڭ ەكى ورتا مەكتەبىن قامقورلىققا الدى.

اقتوبە وبلىسىنىڭ اكىمشىلىگى مەن ءال-فارابي اتىنداعى قازۇۋ اراسىندا ىنتىماقتاستىق تۋرالى مەموراندۋمعا قول قويىلدى، ونىڭ شەڭبەرىندە اقتوبە وبلىسىنىڭ اكىمى كوپتەگەن تاپسىرمالار بەردى، اتاپ ايتقاندا، ۋنيۆەرسيتەت عالىمدارىنىڭ زەرتتەۋلەرىن اقتوبە وبلىسى ەكونوميكاسىنىڭ ناقتى سالالارىنا ەنگىزۋ جانە ينۆەستيسيا تارتۋ جولىمەن باسەكەگە قابىلەتتى زاماناۋي ءوندىرىستى دامىتۋعا باعىتتالعان كەشەندى جوسپار جاساۋدى ۇسىندى.

قازىرگى ۋاقىتتا مەموراندۋمنىڭ نەگىزگى پۋنكتتەرىن جۇزەگە اسىرۋ جوسپارى بەلگىلەنىپ، ءونىم وندىرۋگە ارنالعان جانە وبلىستىڭ ناقتى سالالارىنا ەنگىزۋگە جوعارى قوسىمشا قۇنى بار جوبالاردى قاراستىرۋ بويىنشا جۇمىس باستالدى.