ق ر ينۆەستيسيا جانە دامۋ مينيسترلىگى ازاماتتىق اۆياسيا كوميتەتى «فوككەر-100» اۋە كەمەسىن تەحنيكالىق اكتىسىز پايدالانۋعا تىيىم سالدى،- دەپ حابارلايدى «قامشى» پورتالى.

«ق ر يدم ازاماتتىق اۆياسيا كوميتەتى «بەك ەير» اۆياكومپانياسىنىڭ اتىنا كومپانيانىڭ ينجەنەرلىك-اۆياسيا قىزمەتىنىڭ باسشىسىنا ءشاسسيدىڭ الدىڭعى اگرەگاتتارى مەن توراپتارىن جانە ءشاسسيدى جيناۋ جانە شىعارۋ جۇيەسىن بىررەتتىك تەحنيكالىق تەكسەرۋدى ۇيىمداستىرۋ جونىندە نۇسقاۋ جىبەردى. ءتيىستى تەحنيكالىق اكتىنى ق ر يدم ااك مەن «قازاەروناۆيگاسيا» رمك اۋە قوزعالىسىن جوسپارلاۋ باس ورتالىعىنا ۇسىنۋ قاجەت. سونىمەن قاتار كوميتەت «قازاەروناۆيگاسيا» رمك ءاقج باس ورتالىعىنا «فوككەر»-100» اۋە كەمەلەرىن كورسەتىلگەن تەحنيكالىق اكتىسىز ۇشۋعا جىبەرمەۋ جونىندە نۇسقاۋ بەردى»، - دەلىنگەن ق ر يدم ازاماتتىق اۆياسيا كوميتەتىنىڭ حابارلاماسىندا.

مالىمەتكە ساي، 2016 جىلدىڭ 27 ناۋرىزىندا استانا قالاسىنداعى حالىقارالىق اۋەجايدا «بەك ەير» اۆياكومپانياسىنىڭ «فوككەر-100» ۇشاعى تاپ بولعان اپات فاكتىسى بويىنشا ازاماتتىق اۆياسيا كوميتەتى كەزەكتى رەيستى ورىنداۋ الدىندا وسى تەكتەس الدىن الۋ شارالارىن جۇرگىزۋدى قولعا الدى.

قازاقستاندا «فوككەر-100» ۇلگىسىندەگى ۇشاقتاردى  «بەك ەير» اۆياكومپانياسى عانا پايدالانادى. ولاردا وسىنداي 8 ۇشاق بار، ونىڭ التاۋى قازاقستان اۋماعىندا ۇشادى.