الماتىداعى Royal Tulip قوناق ۇيىندە ءورت بولىپ، 104 ادام ءقاۋىپسىز جەرگە شىعارىلدى، - دەپ حابارلايدى «قامشى» پورتالى قالالىق تجد باسپا ءسوز قىزمەتىنە سىلتەمە جاساپ.
وقيعا تۋرالى حابار قالالىق توتەنشە جاعدايلار دەپارتامەنتىنە تاڭعى 08.08- تۇسكەن. بەلگىلى بولعانى قوناق ءۇيدىڭ SPA-سالونىندا بۋ بولمەسىندە وت شىققان. سىرتقا شىعارىلعان 104 ادامنىڭ 64ء-ى قوناقتار بولسا، قالعانى سول جەردىڭ جۇمىسشىلارى كورىنەدى.
«الماتى قالاسى تجد كۇشتەرى ءورت شىققان ورىنعا 6 مينۋت ىشىندە جەتىپ، ءورتتى اۋىزدىقتاۋعا كىرىستى. ساعات 08.50-دە وت تولىقتاي ءسوندىرىلدى. بارلىعى 10 شارشى مەتر اۋماق ورتكە ورانعان»، - دەيدى تجد باسپا ءسوز حاتشىسى ساندۋعاش بايمۇحامبەتوۆا.
