قازاقستاننىڭ حالىق ءارتىسى، ق.قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ كوركەمدىك جەتەكشىسى تالعات تەمەنوۆ تەاتر ونەرىنىڭ بۇگىنگى جاي-كۇيىن ءسوز ەتە كەلىپ، تەاترعا بيلەت الىپ جاتقان بىردە-بىر اكىم نەمەسە ءمينيستردى كورمەگەنىن ايتتى،- دەپ حابارلايدى baistars.kz BNews.kz- كە سىلتەمە جاساپ.
بەلگىلى رەجيسسەردىڭ ايتۋىنشا، قازاقستاندا تەاتر ونەرىنە ەكىنشى سۇرىپتى ونەر رەتىندە قارايدى.
«وسىنداي جاعداي قالىپتاسىپ كەلە جاتقان سەكىلدى. مەن بىردە-بىر وبلىس اكىمى نەمەسە ءمينيستردىڭ تەاترعا بيلەت العانىن كورگەن ەمەسپىن. ولار «استانا وپەراعا» بارادى، ارينە، مەن بۇل تاماشا تەاتر ەكەنىن تۇسىنەمىن. ءبىراق، باسقا، مىسالى، وبلىستىق تەاترلار دا بار عوي. شەنەۋنىكتەر تەاتردىڭ جان مەن رۋحتى تاربيەلەيتىن ورىن ەكەنىن تۇيسىنگەن كەزدە، سول ۋاقىتتا سىزدەردىڭ دە تەاتر ونەرىنە كوزقاراسىڭىز وزگەرەدى»، - دەيدى ت.تەمەنوۆ.
«وتكەن جىلى سەرگەي بەزرۋكوۆ كەلگەن كەزدە بۇكىل باسپا ءسوز جازدى. ال بىزدە شە؟ سىزدەر وزدەرىڭىز تەاترعا بارمايسىزدار. تەاترعا بارۋ كەرەك، بۇل - ادامنىڭ جانى تازاراتىن ورىن»، - دەگەن پىكىرىن ءبىلدىردى بەلگىلى رەجيسسەر.
