بۇگىن قازاقستاندىق جۋرناليست ازامات قالىمبەتوۆ ۇزاققا سوزىلعان اۋىر ناۋقاستان كوز جۇمدى، - دەپ حابارلايدى «قامشى» پورتالى.
جۋرناليست الماتىداعى حوسپيستە بۇگىن تاڭعى سەگىزدەر شاماسىندا كوز جۇمعان.
اپاسى ناتاليا قالىمبەتوۆانىڭ ايتۋىنشا، ازاماتتىڭ ءحالى سوڭعى كۇندەرى كۇرت ناشارلاپ كەتكەن.
«ونىڭ جاعدايى سوڭعى كۇندەرى قاتتى ناشارلاپ كەتتى، كوز الدىمىزدا سولىپ جاتتى… دارىگەرلەر قۇتقارا المادى. ونىڭ ميىندا ءۇى دەڭگەيلى ىسىك پايدا بولعان ەدى. وڭتۇستىك كورەياعا اپارىپ ەمدەتكىمىز كەلىپ ەدى. ءبىراق، دارىگەرلەر ناۋقاستىڭ جاعدايى اۋىر دەپ رۇقسات بەرمەدى»، - دەيدى ول.
ازامات قالىمبەتوۆكە اۋىر ناۋقاسى تۋرالى دياگنوز بيىل 14 قاڭتاردا قويىلعان. وعان دەيىن ول ءوزىنىڭ سىرقاتى تۋرالى بىلمەي كەلگەن.
