«شانشار» ءازىل-سىقاق تەاترىنىڭ ناۋرىز ايىندا بەرگەن كونسەرتىن جۇرتشىلىق جىلى قابىلداعان بولاتىن. تەاتردىڭ Youtube جەلىسىنە جۇكتەلگەن جاڭا ازىلدەرى دە حالىقتى كۇلكىگە قارىق قىلۋدا، - دەپ حابارلايدى «قامشى» پورتالى.
«توقال الۋ»، «توك-شوۋ»، «تەڭگەباي مەن دوللار» سىندى قويىلىمدارىن بۇگىندە الدى 100 مىڭعا جۋىق قولدانۋشى تاماشالاعان. ادەمى ازىلگە ورىلگەن ول قويىلىمداردا تۇرمىستىق الەۋمەتتىك ماسەلەلەردى ءسوز ەتە وتىرىپ، مەملەكەت پەن بيلىك ۇستانىمدارى، ەلدەگى كەرى كەتۋشىلىكتەر دە اياۋسىز سىنعا الىنادى.
قازاق ساحناسىندا وزىندىك ورنى، باي تاريحى بار تەاتردىڭ شىن جانكۇيەرلەرى از ەمەس. الايدا، ونەر ۇجىمىنىڭ ەڭبەگىنە كوڭىلى تولمايتىندار مەن سىن ايتۋشىلار دا تابىلادى.
بۇعان دەيىن جازۋشى زەينەپ احمەتوۆا «شانشار» تەاترىنداعى ازاماتتاردىڭ ايەل ءرولىن سومداۋىن سىنعا العان بولاتىن.
