«سامۇرىق-قازىنا» قورى كومپانيالار توبىنىڭ سىرتقى قارىزى 10 ميلليارد دوللاردان اسىپ كەتكەن، - دەپ حابارلايدى «قامشى» پورتالى.

ەلدىڭ بار بايلىعىن باسىپ وتىرعان الىپ قوردىڭ قارىزى تۋرالى ونىڭ باسقارۋشى ديرەكتورى ەلەنا باحمۋتوۆا بۇگىن «كورپوراتيۆتىك باسقارۋ: قازاقستاننىڭ ينۆەستيسيالىق تارتىمدىلىعىنا جاڭا كوزقاراستار» اتتى ۇلتتىق فورۋمىندا مالىمدەدى.

«2016 جىلدىڭ باسىندا «سامۇرىق-قازىنا» قورى كومپانيالار توبىنىڭ اتاۋلى سىرتقى قارىزى 10،7 ملرد. دوللاردى قۇرادى. ال رەسمي سانداردى سىزدەر «قازمۇنايگازدىڭ» شوعىرلاندىرىلعان قارجى ەسەبى جاريا ەتىلگەنىنەن كەيىن كورە الاسىزدار»، - دەيدى ول.

ونىڭ اتاپ وتۋىنشە، بۇگىنگى كۇنى  مۇنداي كولەمدەگى قارىز قازىرگى ۋاقىتتاعى باعانى ەسكەرەر بولساق،  قولايلى بولىپ وتىر.  سونىمەن قاتار ول قارىز جۇكتەمەسىنىڭ دەڭگەيى وتكەن جىلمەن سالىستىرعاندا ءبىرشاما تومەندەگەنىن دە ەسكە سالىپ ءوتتى.

«قارىز كولەمى توپ قىزمەتىنە قانداي دا ءبىر ءقاۋىپ توندىرمەيدى. مىندەتتەمەلەرگە قىزمەت كورسەتۋ قالىپتى كولەمدە جۇرگىزىلۋدە. بۇل كومپانيا ءۇشىن ايتارلىقتاي ءقاۋىپ توندىرمەيدى. بىزدە ينۆەستيسيالىق قىزمەت دەڭگەيى جانە سوعان سايكەس ينۆەستيسيالىق جوبالاردى جۇزەگە اسىرۋ بارىنشا جوعارى»، - دەيدى ە.باحمۋتوۆا.