ورالدا توعىزقۇمالاقتان ۇلدار مەن قىزدار اراسىندا وتكەن ەل چەمپيوناتى مارەگە جەتتى، - دەپ حابارلايدى «قامشى» پورتالى 24kz-كە سىلتەمە جاساپ.

زياتكەرلىك سايىسقا ەلىمىزدىڭ بارلىق وبلىستارى مەن استانا جانە الماتى قالالارىنان 250 ويىنشى قاتىستى. 10، 12 جانە 14 جاس ارالىعىنداعى جاسوسپىرىمدەر كلاسسيكا جانە بليس تۇرلەرى بويىنشا شەبەرلىك بايقاستى.

جارىس ناتيجەسىندە كلاسسيكا تۇرىنەن 10 جاس دارەجەسى بويىنشا قارعاندىلىق شىڭعىس قويشىباي مەن قىزىلوردالىق جۇلدىز مۇڭايتپاسوۆانىڭ باعى جانسا، 12 جاستا جامبىل وبلىسىنىڭ ۇلانى ەرنۇرسۇلتان بورانباي مەن پاۆلودارلىق اياجان ەگىنباي جەڭىسكە جەتتى.

ال، 14 جاستاعى سپورتشىلار اراسىندا قىزىلوردالىق دامير احمەتوۆ پەن ااقتوبەلىك گۇلجانات الدابەرگەنوۆالار الدىنا جان سالماعان.

داۋلەت ابدىكارىم، جارىستىڭ باس تورەشىسى:

- بۇل چەمپيوناتتىڭ ماقساتى – الداعى جۇڭگو ەلىندە وتەتىن ازيا چەمپيوناتىنا ىرىكتەۋ. سونداي-اق وسى قازاقستان رەسپۋبليكاسى قۇراماسىنا سپورتشىلاردى ىرىكتەۋ. كوبىنە مەكتەپتە ۇزدىك، وزات، جاقسى وقيتىن بالالار وينايدى. كوپ اتا-انالار ايتىپ جاتادى، وسى توعىزقۇمالاققا كەلگەلى بالالارىمىزدىڭ ماتەماتيكاسى تۇزەلدى دەپ، ول دا ءبىز ءۇشىن وتە قۋانىش.