جۇڭگو سوتى ەرتەڭ اقجارقىن تۇرلىبايدىڭ اپەللياسيالىق شاعىمى قارايدى. بۇل تۋرالى ق ر باس پروكۋرورىنىڭ ءبىرىنشى ورىنباسارى يوگان مەركەل ءمالىم ەتتى، - دەپ حابارلايدى «قامشى» پورتالى قازاقپاراتقا سىلتەمە جاساپ.
"تەك سوڭعى بەس جىل ىشىندە قازاقستانعا شەتەلدە جازاسىن وتەپ جۇرگەن ءبىزدىڭ 158 ازامات قايتارىلدى. تەك قانا قىتايدان سول مەملەكەتتە ۇزاق مەرزىمدەرگە باس بوستاندىعىنان ايىرۋ جازاسىنا سوتتالعان ءبىزدىڭ 11 ازامات قايتارىلدى. تاعى 10 ادام جازاسىن وتەۋدە، ولاردى قازاقستانعا اۋدارۋ ءۇشىن ءبىز جۇمىس جاساۋدامىز"، - دەدى ول.
بۇدان باسقا، ونىڭ اتاپ وتۋىنشە، قىتايداعى قىلمىستىق پروسەسكە تارتىلعان ءبىزدىڭ تاعى 13 ازامات بار، ولار بويىنشا قازىرگى كەزدە سوتتار نەمەسە تەرگەۋ ورگاندارى تۇپكىلىكتى شەشىمدى ءالى قابىلداماعان. بۇل ازاماتتارعا قاتىستى قازاقستانعا بەرۋ بويىنشا جۇمىس قىتايدىڭ سوتتارىمەن تۇپكىلىكتى شەشىمدەر قابىلداعاننان كەيىن باستالادى.
"بۇل ەسىرتكى زاتتارىنىڭ كونترابانداسى ءۇشىن ءومىر بويى باس بوستاندىعىنان ايىرۋ جازاسىنا گۋانچجوۋ سوتىمەن سوتتالعان اقجارقىن تۇرلىبايعا دا قاتىستى.ونىڭ اپەللياسيالىق شاعىمى اعىمداعى جىلدىڭ 6 ساۋىرىندە جۇڭگو سوتىمەن قارالادى جانە وسىدان كەيىن عانا ءبىز ونى اۋدارۋ ماسەلەسىن قاراستىرا الامىز"، - دەدى ي.مەركەل.
