قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعى باسقارماسىنىڭ وفيسەرلەرى مەن كەلىسىمشارت بويىنشا اسكەري قىزمەتشىلەرى اتتەستاسيادان وتۋدە، - دەپ حابارلايدى «قامشى» پورتالى.

«وڭتۇستىك» وڭىرلىك قولباسشىلىعى باسپا ءسوز قىزمەتىنىڭ حابارلاۋىنشا، وڭىرلىك قولباسشىلىققا باعىنىشتى اسكەري بولىمدەر كومانديرلەرىنىڭ ورىنباسارلارى دا تولىعىمەن اتتەستاسياعا تارتىلعان. 

اتتەستاسيانىڭ العاشقى كۇنى اسكەري قىزمەتشىلەر اسكەري دوكترينا، كونستيتۋسيا، قازاقستان رەسپۋبليكاسىنىڭ ۇلتتىق ۇلانى، قورعانىسى جانە قارۋلى كۇشتەردەگى اسكەري قىزمەت پەن اسكەري قىزمەتشىلەردىڭ مارتەبەسى تۋرالى زاڭدار جۇيەسىنىڭ نەگىزىن قۇرايتىن تەستىلەۋدەن ءوتتى.

ەكىنشى كۇنى ولار دەنەشىنىقتىرۋ دايىندىعى بويىنشا № 17 – كۇشتىك كەشەندى جاتتىعۋدان، № 35 – جىلدامدىققا جۇگىرۋدەن جانە № 36 –                  1 شاقىرىم قاشىقتىققا جۇگىرۋدەن نورماتيۆتەر تاپسىردى، سونىمەن قاتار اتتەستاسيانىڭ سوڭعى كۇنى اسكەري قىزمەتشىلەر اتىس دايىندىعى بويىنشا    № 4 – باقىلاۋ-اتۋ جاتتىعۋىنىڭ نورماتيۆتەرىن ورىندادى. 

اتالعان اتتەستاسيالىق تەكسەرىسكە بارلىق اسكەري قىزمەتشىلەر تولىعىمەن قاتىستى. ولار جوعارىدا اتالعان سىناقتاردى تاپسىرۋدان بولەك، اتتەستاسياعا قاتىسۋ ءۇشىن الدىمەن پسيحولوگيالىق تەستىلەۋدەن وتكەنىن دە ەسكەرتىپ وتەيىك.

بۇنداي اتتەستاسيالىق تەكسەرىستەر ۇلتتىق ۇلان قاتارىندا قىزمەت ەتەتىن ءاربىر وفيسەرلەر مەن كەلىسىمشارت اسكەري قىزمەتشىلەرىنىڭ كاسىپتىك، ىسكەرلىك جانە جەكە قاسيەتتەرىمەن قوسا، ولاردىڭ بىلىمدەرى مەن بىلىكتىلىكتەرىن، دەنە دايارلىعى مەن باسقا دا ىسكەري قابىلەتتەرىن، سونىمەن قاتار ولاردىڭ اتقارىپ وتىرعان لاۋازىمدارىنا سايكەستىگىن تەكسەرۋ ماقساتىندا 3 جىلدا ءبىر رەت وتكىزىلىپ تۇرادى.