الماتىداعى زيراتتاردىڭ كۇتىمىنە جاۋاپتى «مامانداندىرىلعان راسىمدىك قىزمەتتەر كومبيناتى» مەملەكەتتىك كوممۋنالدىق كاسىپورنى ساتىلىمعا شىعادى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

بۇل تۋرالى كاسىپورىن باسشىسىنىڭ ورىنباسارى مارات يسمايلوۆ حابارلاعان.

جەكەشەلەندىرۋ ارقىلى جەكە كاسىپكەرلەرگە كاسىپورىننىڭ 51 پايىز ۇلەسىن ساتىپ الۋ مۇمكىندىگى تۋىپ وتىر. م. يسمايلوۆتىڭ ايتۋىنشا، كاسىپورىننىڭ 49 پايىز ۇلەسى مەملەكەتتە قالاتىن كورىنەدى.

«ءقازىر ءبىز كاسىپورىننىڭ پريزەنتاسياسىن دايىنداپ قويدىق. مەكەمەنىڭ جاعىمدى، جاعىمسىز قىرلارى ءبارى ايتىلادى. قۇجات ءقازىر الماتىنى دامىتۋ ورتالىعىنان ساراپتامادان وتۋدە. ول جەردە بەكىتىلگەن سوڭ ءتيىستى سايتقا ورنالاستىرىلادى. بۇل ماسەلەمەن قالانىڭ قارجى باسقارماسى اينالىسادى»، - دەيدى ول.

كاسىپورىننان ۇلەس ساتىپ العان كاسىپكەر كومبينات كورسەتەتىن قىزمەتتەن تۇسكەن قاراجاتتان پايدا تابا الادى. سونىمەن قاتار، ءقابىرستانداردىڭ كۇتىمىنە جاۋاپتى بولادى.

م. يسمايلوۆ قالاداعى بارلىق زيراتتاردىڭ جاعدايى مەن كاسىپورىن جۇمىسىن باقىلاۋدا ۇستايتىن بولاتىنىن دا ايتقان.