ەلىمىزدىڭ پروكۋراتۋرا ورگاندارى بارلىق مەنشىك نىساندارىنداعى كاسىپورىن  قىزمەتكەرلەرىنە ەڭبەكاقىنىڭ ۋاقتىلى بەرىلۋىن قامتاماسىز ەتۋ جونىندەگى شارالار كەشەنىن جۇرگىزۋدە، - دەپ حابارلايدى «قامشى» پورتالى قازاقپاراتقا سىلتەمە جاساپ.

بۇل باعىتتا ۋاكىلەتتى مەملەكەتتىك ورگاندارمەن، جۇمىس بەرۋشىلەر قاۋىمداستىعىمەن جانە كاسىپوداقتارمەن ءوزارا ىس-ارەكەت جاساۋ جۇيەسى ورناتىلعان.

ەڭبەك اقىسى بويىنشا مەرزىمى وتكەن قارىزداردى جابۋ ماقساتىندا تۇراقتى مونيتورينگ جۇرگىزىلۋدە.

جىل باسىنان بەرى قاداعالاۋ اكتىلەرىمەن 2 ملرد. تەڭگە كولەمىندەگى 30 مىڭعا جۋىق ازاماتتىڭ ەڭبەك اقىسى بويىنشا قارىزداردى وتەۋ قامتاماسىز ەتىلگەن.

مىسالى، وسى جىلدىڭ ءساۋىر ايىندا اقتوبە وبلىستىق پروكۋراتۋراسىنىڭ قولدانعان شارالارى  ناتيجەسىندە «ويلتەحنوگرۋپپ» ج ش س، «لاد» ج ش س جانە «اقكول» ج ش س قىزمەتكەرلەرىنىڭ الدىندا جالپى سوماسى 28،2 ملن. تەڭگەنى قۇرايتىن قارىزدىڭ وتەلۋى قامتاماسىز ەتىلدى.

اقمولا وبلىسىنىڭ پروكۋراتۋراسى قۇزىرەتتى ورگاندارمەن بىرلەسە وتىرىپ «جەكە باتىر» ءجشس-نىڭ 15 قىزمەتكەرىنە 148،7 ملن. تەڭگە كولەمىندەگى قارىزدى وتەۋ جونىندەگى شارالاردى قابىلدادى.

ازاماتتاردىڭ ەڭبەك قۇقىقتارىنىڭ بۇزىلۋىنا كىنالى تۇلعالاردى جاۋاپكەرشىلىككە تارتۋ جونىندەگى ماسەلەلەر پروكۋرورلاردىڭ ەرەكشە باقىلاۋىندا.

جىل باسىنان بەرى پروكۋرورلىق قاداعالاۋ اكتىلەرى بويىنشا 245 جۇمىس بەرۋشى اكىمشىلىك جاۋاپكەرشىلىككە تارتىلعان كورىنەدى.