15 ءساۋىر كۇنى ءال-فارابي اتىنداعى قازۇۋ-دىڭ باس عيماراتىنىڭ 15 قاباتىندا ورنالاسقان ءماجىلىس زالىندا اتالمىش ۋنيۆەرسيتەتتىڭ 4-15 ءساۋىر ارالىعىنا وتكىزىلگەن ءىىى حالىقارالىق فارابي وقۋلارىنىڭ قورىتىندى جينالىسى بولىپ ءوتتى، - دەپ حابارلايدى «قامشى» پورتالى.

وسى قورىتىندى جينالىس  اياسىندا ەسەپ بەرگەن فيلولوگيا جانە الەم تىلدەرى فاكۋلتەتى دەكانى ءومىرحان ءابديمان ۇلى «ءاليحان بوكەيحانوۆ جانە الاش مۇراسى» اتتى ءال-فارابي كىتاپحاناسى عيماراتىندا وتكەن كونفەرەنسياعا ق ر مەملەكەتتىك حاتشىسى گ.ن. ءابدىقالىقوۆا، الماتى قالاسىنىڭ اكىمى ب.ق. بايبەك، پارلامەنت سەناتىنىڭ دەپۋتاتى، قازاقستان جازۋشىلار وداعىنىڭ ءتوراعاسى ن.م. ورازالين، ءال-فارابي اتىنداعى قازۇۋ رەكتورى، اكادەميك ع.م. مۇتانوۆ جانە بىرنەشە جوعارى لاۋازىمدى تۇلعالارمەن قاتار، عىلىمي زەرتتەۋ ينستيتتۋتارىنىڭ قاتىسۋمەن وتكەن وسى كونفەرەنسيانىڭ جالپى بارىسى مەن قارارىن بايااندادى. «ءاليحان الاشتىڭ كوسەمى، ۇلى تۇلعا، ءبىز بۇرىن ءاليحان بوكەيحانوۆتى ساياساتكەر دەپ كەلسەك ەندى وسى كونفەرەنسيادان كەيىن ونىڭ ادبەيەتكە قوسقان ۇلەسىنىڭ اسا جوعارى ەكەندىگىن باعالادىق. ەندى بىزدە ۋنيۆەرسيتتە ءاليحاننىڭ تۇلعالىق بولمىسىنا قاتىستى ەلەكتيۆتى ءپان ەنگىزۋ جوسپارى بار. سونىمەن بىرگە تاريحشى تالاس وماربەكوۆ اعامىز وسى كونفەرەنسيادا ءوز ۇسىنىسىن ايتتى. ءاليحانعا كوشە اتتارى بەرىلگەن، ەسكەرتكىشى ورناتۋ كەرەك دەپ. سونداي-اق بۇگىن وشكەنىمىز جانىپ، ولكەنىمىز تىرلەندەي كۇن ءاليحاندى حالىقارالىق دەڭگەيدە ونىڭ ءار باعىتتاعى ەڭبەكتەرىن تالىقىلاۋمەن بىرگە الاشىتىڭ «ايقاپ» جۋرنالىنىڭ ءبىرىنشى سانىنىڭ تۇساۋىن كەستىك دەدى.

ال ءال-فارابي اتىنداعى ءقازۇۋ-نىڭ رەكتورى، اكادەميك عالىمقايىر مۇتان ۇلى مۇتانوۆ «ءاليحان الاشتىڭ كوسەمى، بەلدى ساياساتكەر وتكەن عاسىردىڭ باسىندا قازاق ەل بولىپ قالاما، جوقپا دەگەن تۇستا ءاليحان باستاعان الاش ارداقتىلارى ەل مەن جەر ءۇشىن جار قۇلاعى جاستىققا تيمەي جۇمىس جاسادى. ولار وسىندان تۋرا 115 جىل بۇرىن مۇحامەتجان سەرالين باس بولىپ شىعارعان «ايقاپ» جۋرنالىنا الاشتىڭ ەلدىگى مەن بىرلىگى جايىندا ماقالالار جازىپ، پىكىر الماستى. مىنە بۇگىن ءبىز «ايقاپ» جۋرنالىنىڭ قايتادان تۇساۋىن كەسىپ وتىرمىز. ءبىرىنشى سانى قازاق تىلىندە جارىق كوردى. وعان وسى جولعى ءىىى حالىقارالىق فارابي وقۋلارىنا قاتىسقان بارلىق بەدەلدى عالىمداردىڭ سۇحباتى جاريالاندى. جۋرنال بولاشاقتا قازاق، اعىلشىن جانە ورىس تىلدەرىندە شىعاتىن بولادى، بۇل ءبىزدىڭ الەمدىك دەڭگەيگە كوتەرىلۋمىز ءۇشىن كەرەك. وتكەن عاسىردا ءاليحان بوكەيحانوۆ باستاعان الاش ارداقتىلارى قازاقتىڭ ەلدىگىن اڭساعان بولسا، ءبىز بۇگىن ولاردىڭ ارمانىنا قول جەتكىزگەن تاۋەلسىز ەلىمىز. ەندى وسى تاۋەلسىزدىكتى قالاي ساقتاپ قالامىز، ىرگەمىزدى قالاي بەكەمدەيمىز، ۇرپاققا نە اماناتتايمىز ؟ دەگەن سۇراق بارلىعىمىزدىڭ نازارمىزدان ەشقاشان تىس قالماۋ كەرەك. سوندىقتان بۇل جۋرنالعا تەك ادەبيەت پەن ساياسات سالاسىنداعى عانا ەمەس بارلىق باعىتتاعى عالىمدار ات سالىسۋلارىڭىز ءۇمىت ەتەمىن.

الىبەك ىدىرىس