كوكتەمگى تاسقىن كورشى رەسەي تۇرعىندارىن ابىگەرگە سالىپ جاتىر، - دەپ حابارلايدى «قامشى» پورتالى 24-ارناعا سىلتەمە جاساپ.
ارناسىنان اسقان اساۋ اعىن ەلدەگى 20 ايماقتى شايىپ كەتكەن. سالدارىنان ءبىر مىڭنان استام ادام جىلى ورنىنان كوشىرىلدى. بۇل تۋرالى ەلدىڭ توتەنشە جاعدايلار قىزمەتى مالىمدەدى. ايتۋىنشا سۋ تاسقىنى جۇزدەگەن ءۇي مەن مەكتەپتى، بالاباقشالاردى باسىپ قالعان. ادام شىعىنى جوق. سۋ دەڭگەيىنىڭ جوعارلاۋىنان كەيبىر ەلدى مەكەندەردە تەك قايىقپەن قوزعالۋعا عانا مۇمكىندىك بار. توتەنشە جاعدايلار قىزمەتىنىڭ بولجامى بويىنشا ەرىگەن قار سۋى ءالى 4 مىڭ اۋىلدى باسىپ قالۋى مۇمكىن.
