كەشە بەيجىڭ قالاسىندا قىتاي-قازاقستان-تۇرىكمەنستان-يران باعدارى بويىنشا تەمىرجول قاتىناسىنىڭ تانىستىرىلىمى ءوتتى، - دەپ حابارلايدى Qamshy.kz قازاقپاراتقا سىلتەمە جاساپ.

شارانى قازاقستان مەن تۇرىكمەنستاننىڭ قىتايداعى ەلشىلىكتەرى سونداي-اق، «قازاقستان تەمىر جولى» ۇلتتىق كومپانياسى» اق ۇيىمداستىرعان. تانىستىرىلىمعا 130-دان استام ادام قاتىستى، ولاردىڭ اراسىندا قازاقستاننىڭقحر-داعى ەلشىسى شاحرات نۇرىشيەۆ، تۇرىكمەنستاننىڭ قىتايداعى ەلشىسى چينار رۋستاموۆا، قحر شەنسي پروۆينسياسىنداعى سيان قالاسىنىڭ مەرى شانگۋان سزيسين، قكپ ليانيۋنگان قالاسىنداعى پارتيا كوميتەتىنىڭ حاتشىسى جانە اتالعان قالا اكىمشىلىگىنىڭ ديرەكتورى ۋ يسياو، «جۇڭگو تەمىرجولدارى» كومپانياسىنىڭ ۆيسە-پرەزيدەنتى حۋان مين، تۇرىكمەنستان تەمىرجول كولىگى مينيسترلىگى ماركەتينگ ءبولىمىنىڭ باستىعى ازات ارىزمەدوۆ، «قتج» ۇك» اق-نىڭ لوگيستيكا جونىندەگى ۆيسە-پرەزيدەنتى قانات الپىسبايەۆ، قحر ءسىم-نىڭ وكىلدەرى، سونداي-اق 40-قا جۋىق قىتايلىق كولىك كومپانيالارى مەن ب ا ق قاتىستى.

«جىبەك جولى ەكونوميكالىق بەلدەۋىنىڭ» ەكى نەگىزگى كولىك ءدالىزى ورتالىق ازيا ەلدەرى ارقىلى ءوتىپ جاتىر. ءبىرىنشىسى - قىتايدان قازاقستان مەن رەسەي ارقىلى ەۋروپاعا دەيىن (بالتىق تەڭىزى)، ەكىنشىسى - قىتايدان قازاقستان مەن تۇرىكمەنستان ارقىلى يرانعا جانە ودان كەيىن پارسى شىعاناعىنا دەيىن. الايدا، اتالعان تەمىرجول دالىزدەرى سالىنىپ، قىزمەت ەتىپ وتىرعانىن كوپشىلىك بىلمەيدى. بۇل رەتتە بۇل باعىتتاعى باعدارلار تەڭىز تاسىمالىمەن سالىستىرعاندا جۇكتەردى جەتكىزۋ جىلدامدىعىندا ءوز باسىمدىعىن دالەلدەپ شىقتى»، - دەدى ءوز سوزىندە ش.نۇرىشيەۆ. 

ونىڭ ايتۋىنشا، ەگەر قازاقستان ارقىلى ەۋروپاعا جۇرەتىن تەمىرجول ءدالىزى ءتيىمدى قىزمەت ەتىپ وتىرسا، يراننان سانكسيالاردى الۋ يرانعا جانە ودان كەرى تەمىرجول تاسىمالدارىن دامىتۋدىڭ جاڭا مۇمكىندىكتەرىن اشتى.