العاشقى جەكەمەنشىك تۇرمە شىمكەنتتە سالىنادى، -دەپ حابارلايدى 31 ارنا.
ىشكى ىستەر مينيسترلىگى وكىلدەرى تۇرمەگە ارنايى جەر تەلىمدەرى بەرىلىپ قويعانىن دا ايتتى. جالپى قازاقستاننىڭ بەس وبلىسىندا ينۆەستورلارعا تيەسىلى تۇرمە بولادى ەكەن.
الايدا تۇرمە سالۋعا قانشا قارجىنىڭ قاراستىرىلىپ وتىرعانى بەلگىسىز. تەك شىمكەنتتەگى تۇرمەنىڭ جوباسى بەكىپ، جەر تەلىمى ءبولىنىپ قويعان. ءتۇرلى رەجيمدى ەتىپ سالىناتىن تۇرمەدە 1500 ورىن بولادى. مەملەكەتتىك جەكەمەنشىك سەرىكتەستىك نەگىزىندە سالىناتىن اباقتىلار قۇرىلىسى 2017 جىلى باستالادى.
«سولتۇستىك قازاقستاندا دا جەكەمەنشىك تۇرمە سالۋ قولعا الىندى. جالپى بەس وبلىستا ءتۇرلى رەجيمدەگى تۇرمەلەر سالىنادى. ءقازىر سول وڭىرلەردە جەر ۋچاسكەلەرى ءبولىنىپ، جۇمىس باستالىپ كەتتى»، - دەيدى ق ر ءىىم قىلمىستىق-اتقارۋ جۇيەسى كوميتەتى ءتوراعاسىنىڭ ورىنباسارى مەيرام ايۋبايەۆ.
