ماڭعىستاۋ وبلىسىندا تەك التىن بۇيىمداردى ۇرلاۋمەن اينالىسقان كەزبە-ۇرىلار قولعا ءتۇستى. قىزىلوردا وبلىسىنان كەلگەن باۋكەسپەلەر ۇيلەرگە تەرەزەدەن وپ-وڭاي كىرىپ وتىرعان، - دەپ حابارلايدى كتك ارناسى.

گاسترولەرلەر ىلعي جەر ۇيلەردى توناپتى. فورت-شيەۆچەنكو، جاڭاوزەن، جەتىباي، قۇرىق، شەتپە كەنتتەرىنەن 27 ءۇيدىڭ مۇلكىن ۇپتەپ كەتكەن. ءۇش ۇرى الدىمەن اۋىلداردى ارالاپ ءجۇرىپ، اۋقاتتى دەگەندەرىنىڭ ەسىگىن قاعىپ كورگەن. ۇيدە ەشكىم بولماعان سوڭ تەرەزەدەن كىرىپ اقشا، التىن بۇيىمدارىن الىپ شىعىپتى. ءسويتىپ زەرگەرلىك زاتتاردى اقتاۋداعى ورتالىق بازاردا ساتقان. ءالى وتكىزىپ ۇلگەرمەگەندەرىن پوليسيا تاركىلەدى. نەبارى جارتى ايدىڭ ىشىندە كەزبە-ۇرىلار 15 ميلليون تەڭگەنىڭ زاتتارىن قولدى ەتكەن. ءتىنتۋ بارىسىندا 2 ميلليون تەڭگە مەن كانادا دوللارى تابىلدى. ءقازىر وڭاي ولجاعا كەنەلمەك بولعان ۇشەۋ تەرگەۋ اباقتىسىندا وتىر.