بەلگىلى ءبىر اقيقات: قازاق تاۋەلسىز ەل بولعالى بيلىك پەن xالىق دەپ ەكىگە ءبولىپ، ەكەۋىن بىر-بىرىنە جاۋ كورسەتۋ سياقتى ارانداتۋشىلىق ارەكەتتەر ەش تولاستاعان ەمەس. انىعىندا بيلىك xالىقتىڭ قىزمەتشىسى، ال بيلىكتىڭ قاينار كوزى – xالىق! ەلباسى دا، دەپۋتاتتار دا، مينيسترلەر دە، اكىم قارالار دا ءبارى-بارى xالىقتىڭ ىشىنەن شىعادى. اسپاننان سالبىراپ تۇسپەيدى، ءوز ارامىزدان. 

حالىقتىڭ ىشىندە نەشە ءتۇرلى ادامدار بار – ارىزقوي، بالەقور، جالقاۋ، ۇرى، قىزعانشاق، ساراڭ، ۇرىسقاق ت.ب. سول ءۇشىن xالىقتى جەك كورمەيمىز. سەبەبى، ىشىندە اقپەيىل، ادال، ەڭبەكقور، شىنشىل، شىدامدى، كەمەڭگەر، اڭعال، اقجۇرەك جاقسىلارى الدەقايدا كوپ.

سول سياقتى بيلىككە جەتكەندە وزگەرىپ، جەمقور، ساتقىن، قاتىگەز، تاكاپپار بولىپ كەتەتىندەر بار. سول ءۇشىن بۇكىل بيلىكتەگى اتقامىنەرلەردى جەك كورۋگە بولمايدى، سەبەبى ولاردىڭ ىشىندە دە ۇيقى كورمەي، ەل دەپ ەڭبەك ەتىپ، بالا-شاعاسىن كورمەي، تىنىم تاپپاي، جار قۇلاعى جاستىققا تيمەي، مالىن، كۇشىن، اقىلىن، جانىن سالىپ ەڭبەك ەتىپ جۇرگەندەر بار. اق پەن قارا، جاقسى مەن جامان، ادال مەن ادال ارپالىسقان، الاساپىران ارالاس دۇنيە عوي. ءبىز ءۇشىن ەڭ قىمبات بايلىعىمىز – تىنىشتىعىمىز، بىرلىك-بەرەكەمىز. ەلباسىمىزدىڭ ەرەن ەڭبەگىن جوققا شىعارۋ – ادىلەتسىزدىك بولماق. شەكارانى بەكىتىپ، داۋدىڭ ءبارىن شەشكەن، ءمور باسىپ بەكىتكەن ەرلىگىنە كوز جۇمۋ – قيانات. جەردىڭ ساتىلماۋىنا مۇددەلى ءبىر ادام بولسا ول – ەلباسىمىز.

باسشىعا باعىنۋ – اللانىڭ ءامىرى. وعان قارسى شىعۋ بىلاي تۇرسىن، سىرتىنان عايباتتاۋدىڭ ءوزى – اۋىر كۇنا. باسشىعا رازى بولماۋ – تاعدىرعا رازى بولماۋ.
ءبىزدىڭ مىندەتىمىز: يا، اللا، پاتشامىزعا كۇش-قۋات، xيدايات، ادال ۋازىرلەر بەر، ءارقاشان قازاعىمىزعا، مەملەكەتىمىزگە پايدالى شەشىم شىعارۋىن ءناسىپ ەت، xالقىمىزدى ويى پاسىقتىڭ ويرانى، كوزى قىسىقتىڭ قىرعىنى، دۇشپاننىڭ زۇلىمدىعىنان ساقتا دەپ دۇعا جاساۋ.
***
پاتشاعا زىركىلدەسە بالاسى جاس،
ول ەلدىڭ ادەبى ءپاس، ساناسى لاس.
ءبارىبىر ءوزى قۇرعان مەملەكەتكە،
ەشكىمنىڭ ەلباسىداي جانى اشىماس.

بالعىنبەك يماشتىڭ Instagram پاراقشاسىنان