ورىس مەكتەپتەرىندەگى قازاق ءتىلى ءپانى 300 ساعاتقا ارتادى، - دەپ حابارلايدى Qamshsy.kz .

بۇل تۋرالى ءبىلىم جانە عىلىم ءمينيسترى ەرلان ساعادييەۆ بۇگىن ل.ن.گۋميليەۆ اتىنداعى ەۋرازيالىق ۇلتتىق ۋنيۆەرسيتەتىندە وتكەن ەسەبىندە مالىمدەدى.  

«جاڭارتىلعان باعدارلاما بويىنشا ورىس مەكتەپتەرىندەگى قازاق ءتىلى ءپانىنىڭ ساعاتى 300 ساعاتقا ارتادى» ، - دەدى ساعادييەۆ.

قازاق، ورىس جانە اعىلشىن تىلدەرىندە وقىتۋ -  ءۇشتىلدى ءبىلىم بەرۋ باعدارلاماسىنا كوشۋ شەڭبەرىندە جۇزەگە اسىرىلادى.  الايدا، مينيستر ءۇشتىلدى ءبىرلىم بەرۋدە ەڭ ماڭىزدىسى قازاق ءتىلىن مەڭگەرۋ بولىپ تابىلاتىنىن اتاپ ءوتتى. قازاق ءتىلىن زەرتتەۋ – ۇلتتىق ءبىلىم بەرۋ جۇيەسىنىڭ باسىم باعىتتارىنىڭ ءبىرى ەكەنىن ەسكە سالدى.

«سوندىقتان  بارلىق مەكتەپتەردە، ءورىستىلدى مەكتەپتەردە  قازاق ءتىلى مەن قازاق ادەبيەتى جانە قازاقستان تاريحى  وقىتىلادى»، - دەدى ءبىلىم ءمينيسترى.