استانادا شىمكەنتتىك جاس گيمتاستيكاشى قىز سابينا اشىربايەۆا ريو-دە-جانەيرودا وتەتىن وليمپياداعا جولداما ۇتىپ الدى، -دەپ حابارلايدى Qamshy.kz پورتالى.
گيمناستيكاشى قىزدىڭ باس باپكەرى ءاليا يۋسۋپوۆا.
«بىلەسىزدەر مە، ليسەنزيا ۇتىپ الۋ، ارينە وتە قيىن. جانە بۇل قازاقستاندىق گيمناستيكاشى قىزداردىڭ تاريحىندا العاش رەت. ەندى ليسەنزيا ۇتىپ العان 17 جاسار گيمناستيكاشى وليمپيادا ويىندارىنا قاتىساتىن بولادى! بۇل تاماشا ساتتىلىك!، - دەدى گيمناستيكاشى قىزدىڭ باپكەرى ءاليا يۋسۋپوۆا.
«ءبىزدى اۋەجايدا استانالىق جانە شىمكەنتتىك ترەنەرلەر كۇتىپ الدى. استانالىق ترەنەر شىمكەنتتىككە «سەن يۋسۋپوۆا مەن ءاشىرباۆاعا گۇل ساتىپ ال، سەن دە شىمكەنتتىكسىڭ عوي» دەپتى. ءبىراق ءبىز ليسەنزيانى ۇتىپ العاندا ءبىز قاي وبلىستان ەكەنىمىزدى ويلامادىق قوي، باستىسى قازاقستاننان ريوعا جولداما الدىق»، - دەيدى ءاليا يۋسۋپوۆا.
جاسوسپىرىمدەر اراسىنداعى ازيا چەمپيوناتى باستالدى. الايدا سپورتشى مەن ونىڭ باپكەرى بۇل جولدا دا كەدەرگىلەر كورىپتى.
«گيمناستيكا فەدەراۋياسى تىزىمگە سابينا اشىربايەۆانى قوسپاپتى. مەن قوڭىراۋ شالىپ، سابينانىڭ ريوعا ليسەنزيا ۇتىپ العانىن، ونىڭ تىزىمگە قوسۋ كەرەكتىگىن ايتتىم. ال ولار مەنىڭ سوزىمە سەنبەدى. «تىزىمگە قوسامىز، ءبىراق حابارلامايمىز» دەگەن سوڭ، ءبىز قاتىسۋدان باس تارتتىق»، - دەيدى باس باپكەر.
«تەك قانا استانانىڭ گيمناستيكاشىلارى كيىمدى تەگىن الادى، تەگىن جاتتىعادى، وقۋ-جاتتىعۋ لاگەرىنە تەگىن جولداما الادى. بۇل دۇرىس ەمەس قوي»، - دەپ شامدانادى ءاليا يۋسۋپوۆا.
ءبىر عانا ماسەلە، جەرشىلدىك، رۋشىلدىق سپورت پەن وليمپيادالارعا دا ارالاسا باستاۋىن ازىردەن قاتاڭ باقىلاۋعا الاتىن كەز جەتتى.
