"التىن ادامنىڭ" سۇيەكتەرىنىڭ ۇلگىسى دانيا مەملەكەتىنە ساراپتاماعا جىبەرىلدى، - دەپ حابارلايدى Qamshy.kz پورتالى  Tengrinews.kz –كە سىلتەمە جاساپ.

«مۋزەي دانيا مەملەكەتىندەگى ماماندارمەن كەلىسىپ قويدى. ولار قازاقستاندا زەرتتەۋلەر جۇرگىزىپ، "التىن ادامنىڭ" سۇيەكتەرىنىڭ ۇلگىسىن دنق ساراپتاماسىنا الىپ كەتتى. "بىزدە ولارمەن بىرگە جۇمىس ىستەۋ تۋرالى كەلىسىمشارت بار، بارلىعى رەسمي تۇردە. (...) ساراپتاما "التىن ادامنىڭ" جىنىسىن، جاسىن، كىم بولعانىن، نەدەن قازا بولعانىن، ونىڭ تۇپكى اتا-تەگىن انىقتاۋ ءۇشىن جاسالىپ وتىر"، - دەدى "ەسىك" قورىق-مۋزەيىنىڭ ديرەكتورى گۇلميرا مۇحتاروۆا.
ساراپتامانىڭ ناتيجەلەرى قاشان شىعاتىنى بەلگىسىز. "مەن ولاردىڭ جۇمىستى باستاعانىن بىلەمىن. ساراپشىلاردىڭ ايتۋىنشا، بۇل كۇردەلى پروسەسس. سۇيەكتەرى ناشار ساقتالعان"، - دەپ ناقتىلادى مۇحتاروۆا. ديرەكتوردىڭ ايتۋىنشا، دانياداعى ماماندار ساراپتامانىڭ ناتيجەلەرىن قازاقستانعا وزدەرى تانىستىرادى. "ولار ساراپتامانىڭ ناتيجەلەرىن كورسەتۋ ءۇشىن قازاقستانعا رەسمي تۇردە كەلمەكشى. ءبىراق ءبىز ءقازىر بۇل تۋرالى اسىعىپ وتىرعان جوقپىز"، - دەپ ءتۇسىندىردى مۇحتاروۆا. ءقازىر "التىن ادامنىڭ" سۇيەكتەرىنىڭ باسىم بولىگى "ەسىك" قورىق-مۋزەيىندە تۇر.