الماتىدا قارعالى وزەنى ارانسىنان شىعىپ، قالاداعى ىقشاماۋدانداردىڭ ءبىرى سۋ استىندا قالدى، - دەپ حابارلايدى  Qamshy.kz پورتالى Tengrinews.kz سايتىنا  سىلتەمە جاساپ.

"29 ءساۋىر كۇنى كەشكىسىن قارعالى وزەنىنىڭ دەڭگەيىنىڭ كوتەرىلۋى سالدارىنان الاتاۋ اۋدانىن (العاباس ىقشاماۋدانى، بەيبىتشىلىك كوشەسى) سۋ باسىپ قالدى. سالدارىنان 14 ءۇي سۋ استىندا قالدى"، - دەدى ءىىم توتەنشە جاعدايلار جونىندەگى كوميتەتىنىڭ رەسمي وكىلى رۋسلان يمانقۇلوۆ

ونىڭ ايتۋىنشا، ءقازىر وقيعا ورنىندا الماتى تجد ءورت ءسوندىرۋ جانە اۆاريالىق قۇتقارۋ قىزمەتىنىڭ، "109- قۇتقارۋ قىزمەتى"، الاتاۋ اۋداندىق تجب، "الماتى تازالىقتىڭ" جەكە قۇرامى جۇمىس ىستەپ جاتىر.

توتەنشە جاعدايدىڭ سالدارىن جويۋعا 70 ادام مەن 17 تەحنيكا جۇمىلدىرىلدى. قۇتقارۋشىلار قارعالى وزەنىنىڭ جاعاسى مەن ۇيلەردىڭ اينالاسىنا قۇم سالىنعان قاپتاردى توسەپ جاتىر. وقيعا ورنىنا 45 توننا سۋسىمالى ماتەريالدار جەتكىزىلدى.

ايتا كەتەيىك، وزەننىڭ ارناسىنان شىعۋىنان جەتىسۋ اۋدانىنداعى ۇيلەر دە زارداپ شەكتى.