تۇركسىب اۋداندىق سوتىندا "ەير استانانىڭ" ەكس-پيلوتى رومان بىكوۆقا جازا كەسىلدى، - دەپ حابارلايدى Qamshy.kz پورتالى Tengrinews.kz سايتىنا  سىلتەمە جاساپ.

سوت شەشىمىنە سايكەس، ول تاعىلعان بارلىق ايىپ بويىنشا كىنالى دەپ تانىلىپ، 2،5 جىلعا باس بوستاندىعىنان ايىرىلدى. ەكس-پيلوت جازاسىن جالپى رەجيمدەگى كولونيادا وتەيدى. سونىمەن قاتار، سوت سوتتالۋشىعا 300 اەك كولەمىندە ايىپپۇل سالىپ، ەكى جىلعا دەيىن ۇشاق باسقارۋعا تىيىم سالدى. رومان بىكوۆ سوت زالىندا قاماۋعا الىندى.

ەسكە سالا كەتەيىك، ناۋرىز ايىنىڭ باسىندا "ەير استانا" پيلوتى رومان بىكوۆ الماتى اۋەجايىندا ەسىرتكىمەن ۇستالعان بولاتىن. ساراپتاما ناتيجەسىنە سۇيەنسەك، ونىڭ قانىنان كاننابينويد ىزدەرى انىقتالدى. كەيىن ول اۋە كومپانياسىنان جۇمىستان شىعارىلدى. بىكوۆ بولسا ارەكەتىنە وكىنەتىنىن ايتتى.

ءىس ماتەريالدارىنا سۇيەنسەك، رومان بىكوۆتان 1،55 گرامم ماريحۋانا تاركىلەنگەن. وعان ق ر قىلمىستىق كودەكسىنىڭ 286-بابى 1-بولىگى ("قازاقستان رەسپۋبليكاسىنىڭ مەملەكەتتiك شەكاراسى ارقىلى ەسىرتكى زاتتارىن زاڭسىز الىپ ءوتۋ") جانە ق ر قىلمىستىق كودەكسىنىڭ 296-بابى 2-بولىگى ("ەسiرتكi، پسيحوتروپتىق زاتتاردى، سول تەكتەستەردى، پرەكۋرسورلاردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ")، ق ر قىلمىستىق كودەكسىنىڭ 258-بابى ("اۋە كەمەسىن ەسىرتكىگە ماس كۇيە باسقارۋ") بويىنشا ايىپ تاعىلدى.