سولتۇستىكتە تاسقىن سۋدىڭ ورتاسىندا قالىپ قويعان اۋىل تابىلدى. بەسكول دەپ اتالاتىن ەلدىمەكەننىڭ تۇرعىندارى اياقتارىنا رەزەڭكە ەتىك كيىپ، بەلۋاردان سۋ كەشىپ جۇرگەندەرىنە ءبىر ايدان اسىپتى، - دەپ حابارلايدى 31 ارنا

"مەن ءقازىر كىشكەنتاي بالامەن اندا-مىندا جۇگىرىپ ءجۇرمىن. بۇل ۇيدە تۇرۋعا ماعان نيەۆوزموجنو. كورىپ تۇرسىزدار بۇل ءشىريدى. قۇلايدى"، - دەگەن بەسكول اۋىلىنىڭ تۇرعىنى ايناگۇل نۇرتازينا ايدىڭ باسىندا سولتۇستىكتىڭ جيىرماعا جۋىق اۋىلىن ەرىگەن قار سۋى باسىپ، تاسقىننىڭ استىندا قالعاننان بەرى تۇپ-تۋرا 26 كۇن وتسە دە، ءۇي تولعان سۋ تولىق كەۋىپ بىتپەگەنىن ايتادى.

اۋلالارىنداعى سۋدىڭ دەڭگەيى ءتىپتى تىزەدەن اسادى. بەسكولدىكتەردىڭ ايتۋىنشا، رەزەڭكە ەتىك ءبىر ايدان بەرى كۇندەلىكتى كيەتىن اياق كيىمگە اينالىپتى.

ال باسپانالارىندا تۇرۋعا بولاتىنداردىڭ وزدەرى، بالالارىمىزدى جاقىندارىمىزعا اپارىپ تاستايمىز دەيدى. ويتكەنى سۋ ءسىڭىپ قالعاندىقتان، كوگەرگەن ءيىس پەن ىلعالدان اۋىرىپ قالادى ما دەپ قورقاتىندارىن ايتادى.

ايدان ارتىق سۋدىڭ ورتاسىندا وتىرعان جۇرت ماسەلەلەرىنىڭ جۋىق ارادا شەشىلۋىن تالاپ ەتىپ وتىر.