ومبى مەملەكەتتىك قىزمەت كورسەتۋ ينستيتۋتىنىڭ اكت زالىندا «ميسس ازيا-2016» كونكۋرسىنىڭ شەشۋشى سىنى ءوتتى. ءاربىر قاتىسۋشى وزىنە جۇكتەلگەن مىندەتتى تاماشا اتقارىپ شىقتى، سولايشا ءوز مەملەكەتتەرىنىڭ نامىسىن ابىرويمەن قورعادى.
الايدا ولاردىڭ ىشىنەن قازاقستاندىق ايزا بازعييەۆا ۇزدىك دەپ تانىلدى، دەپ حابارلايدى top55.info.
ايزا بازعييەۆا ومبى ءىىم اكادەمياسىندا 3-كۋرستا وقيدى.
فينالدىق كەزەڭ باستالماس بۇرىن بەرگەن سۇحباتىندا ول كونكۋرسقا دايىندىق كەزىندە الەۋمەتتىك جەلىلەردە ءوزى تۋرالى ءبىراز تەرىس پىكىر ايتىلعانىن مويىندادى. وعان قاراماستان، ارۋ قىز ءوزىن قولعا الىپ، پىكىرلەردى ەلەمەۋگە تىرىسقان.
دەگەنمەن، وسى سوزدەردى ايتىپ تۇرعان ساتىندە ونىڭ كوزىنە جاس ىركىلدى.
