فرانسۋز ءجۋرناليسى لاڭكەستەردىڭ لاگەرىنە كىرىپ، ءۇش اي بويى ولاردى جاسىرىن كامەراعا تۇسىرگەن. Telerama باسىلىمىنىڭ مالىمەتىنشە، دايش اتىنان تەراكتىلەر جاساۋدى جوسپارلاعان جاس سودىرلار تۋرالى "اللانىڭ ساربازدارى" اتتى فيلم بۇگىن، 2 مامىردا كورسەتىلەدى دەپ جوسپارلانعان، - دەپ حابارلايدى Qamshy.kz پورتالى Tengrinews.kz سايتىنا سىلتەمە جاساپ.

فرانسۋز لاگەردە سايد رامزي دەگەن لاقاپ اتپەن جۇرگەن. دايش سودىرلارىمەن بايلانىسقا ول الەۋمەتتىك جەلىلەر، ونىڭ ىشىندە Telegram ارقىلى ءتۇسىپتى. وسىدان كەيىن رەپورتەر موتيۆتەرى مەن ويلارىن ءتۇسىنۋ ءۇشىن التى اي بويى لاڭكەستەردىڭ سەنىمىنە كىرىپتى. 

"مەن مۇسىلمانمىن. ءاربىر جاسالعان شابۋىل مەنىڭ جەكە ومىرىمە بارعان سايىن قاتتى اسەر ەتە باستادى"، - دەيدى رامزي. ونىڭ ايتۋىنشا، لاگەردەگىلەردىڭ بۇرىنعى ءومىرى وڭاي بولماعان. ولار "اداسقان، شاتاسقان، سۋيسيد جاساۋعا نيەتتەرى بار، ايداپ سالۋعا ەرىپ كەتەتىن جاستار" ەكەن، ولاردىڭ ىسىندە الەمدى جاقسارتۋعا نيەت بولماعان، دەپ كەلتىرەدى ونىڭ ءسوزىن ريا نوۆوستي.

رامزيگە تاياۋدا فرانسياداعى تۇنگى كلۋبتاردىڭ بىرىنە جاسالاتىن شابۋىلدىڭ جوسپارى بەرىلگەن. الايدا، ابىروي بولعاندا، بۇل توپ باقىلاۋدا بولىپ، قازىرگى ۋاقىتتا ونىڭ مۇشەلەرى قاماۋعا الىنعان بولۋى مۇمكىن. 

ەسكە سالايىق، 2015 جىلدىڭ 13 قاراشاسىندا پاريجدە بىرنەشە تەراكت بولعان ەدى. ونىڭ سالدارىنان 130 ادام قازا تاپتى، 350-دەن اسا ادام زارداپ شەككەن. شابۋىلدارعا دايش (قازاقستاندا تىيىم سالىنعان) جاۋاپكەرشىلىك الدى.