اتىراۋ وبلىسىنىڭ اكىمى نۇرلان نوعايەۆ قۇرمانعازى اۋدانىنىڭ ەكس-اكىمىنىڭ جۇرگىزۋشىسىن جالعان مەملەكەتتىك نومىرمەن ۇستادى. وبلىس اكىمىنىڭ باستاماسىمەن جۇرگىزۋشىگە قاتىستى حاتتاما تولتىرىلدى، - دەپ حابارلايدى Qamshy پورتالى اقجايىق باسىلىمىنا سىلتەمە جاساپ.

29 ساۋىردە وبلىس اكىمى جاڭا اۋدان اكىمى بيبوز شاياحمەتوۆتى تانىستىرۋ ءۇشىن قۇرمانعازى اۋدانىنا باردى. نوعايەۆ پەن ءوز ءىسىن جالعاستىرۋشى اكىمدى سول كەزدەگى اۋدان اكىمى امانگەلدى باراقاتوۆ قىزمەتتىك كولىگىمەن قارسى المادى. ءبىراق وبلىس اكىمى باسقا نارسەگە تاڭ قالدى. كامري 50 كولىگىنىڭ الدىڭعى بامپەرىندە رەسەيلىك ستاندارتتا تىركەلگەن نومىرلىك بەلگى، ال ارتقى جاعىندا - قازاقستاندىق ءنومىر بەلگىسى بولدى. كەيىنىرەك بۇل احۋال مۇلدەم كۇلكىلى وقيعاعا ۇلاستى. رەسەيدىڭ ترانزيتتىك مەملەكەتتىك ءنومىرىنىڭ جەلىمى اجىراپ، ار جاعىنان قازاقستاندىق ءنومىر كورىنىپ قالدى. زاڭ بۇزۋشىلىقتى بايقاعان وبلىس باسشىسى قۇرمانعازى ءاىىب باستىعى ءجۇسىپ تورەعالييەۆتى شاقىرىپ الدى:

"نەلىكتەن زاڭ بۇزۋشىلىققا باقىلاۋ جاسامايسىزدار؟ ەگەر بۇل كولىككە اۋدان اكىمى مىنەتىن بولسا، وعان ءبارى بولادى دەپ، قول تيگىزبەيسىڭدەر مە؟!"، - دەدى نوعايەۆ.

نۇرلان نوعايەۆ زاڭ بۇزۋشىلىق تۋرالى حاتتامانى سول جەردە تولتىرۋدى تالاپ ەتتى. 2013 جىلدىڭ ناۋرىزىندا ءوز قالاۋىمەن جۇمىستان بوساتىلعان اۋداننىڭ بۇرىنعى اكىمى باراقاتوۆ قىزمەتتىك كولىگىنىڭ جوندەۋدە تۇرعانىن، ءبىر اپتادان بەرى كومەكشىسىنىڭ جەكە كولىگىمەن جۇرگەنىن راستادى.

"كولىك استراحاننان الىنعان. كولىك قۇرالىن تىركەگەننەن كەيىن ترانزيتتىك ءنومىردى جۇرگىزۋشى اىىب-گە تاپسىرۋعا ءتيىس ەدى"، - دەدى تورەعالييەۆ.

زاڭ بۇزۋشىعا اقتك-تىڭ 590-شى ("كورiنەۋ جالعان نەمەسە قولدان جاسالعان مەملەكەتتiك تiركەۋ ءنومiرi بەلگiلەرi بار كولiك قۇرالىن باسقارۋ") بابى بويىنشا حاتتاما تولتىرىلدى. ءىس سوتقا جولداندى، جۇرگىزۋشىگە 20 اەك مولشەرىندە ايىپپۇل جانە ءبىر جىلعا جۇرگىزۋشى كۋالىگىنەن ايىرىلۋ ءقاۋپى ءتونىپ تۇر.