اقتوبە وبلىسىنىڭ ءاليا اۋىلىندا بەلگىسىز مال اۋرۋى بەلەڭ الدى. ءىرى قارانىڭ سىلەكەيى اعىپ، قىزۋى كوتەرىلەدى ەكەن. ۆەتەرينارلار ناقتى دياگنوزى انىقتالماسا دا، 450 باس سيىردى سويىپ تاستاعان. ءىرىسىن ەت كومبيناتىنا وتكىزىپ، باسپاق-بۇزاۋىن ورعا كومىپ جاتىر، - دەپ حابارلايدى Qamshy.kz كتك ارناسىنا سىلتەمە جاساپ،

ال زەرتحانالىق سىناما قورتىندىسى اپتا سوڭىنا تامان ءازىر بولماق. مالمەن جان باعىپ وتىرعان ءاليا اۋىلى تۇرعىندارىنان بىرنەشە كۇننەن بەرى مازا قاشقان. ءقازىر قوراسىنداعى ءمۇيىزدى ءىرى قاراسى مەن ۇساق مالىن ەتكە وتكىزۋگە ءماجبۇر. ويتكەنى ءبىر اپتا بۇرىن بۇزاۋلاردىڭ سىلەكەيى اعىپ، ىستىعى كوتەرىلگەن. ارتىنشا وسىنداي بەلگىلەر سيىرلاردان دا بايقالىپتى.

ىندەت تارالماس ءۇشىن جايىلىمداعى بارلىق زەڭگى بابا تۇقىمىن جوق قىلۋ تۋرالى ۆەتەرينارلار شەشىم شىعارعان. العاشقىدا بۇعان تۇرعىندار قارسى بولىپتى. كەيىن وتەماقىعا كەلىسىپ، ونى ەت كومبيناتى ەسەبىنەن تولەپ جاتىر.

"بۇل مال قايتا وڭدەۋگە جاتادى دەپ ماماندار بىزدەرگە ايتىپ جاتىر. وسى ماقساتتا وبلىستاعى وڭدەۋ مەكەمەلەرىمەن كەلىسىپ، وسىلار كەلىپ تىرىلەي، ەتتەي كەلىسىن 900 تەڭگەدەن الىپ جاتىر" دەيدى قوبدا اۋدانى اكىمىنىڭ ورىنباسارى بولات قۇلوۆ.

پاستەرەللوز بەن لەستەريوز دەگەن ەكى ارۋ بولۋى م.مكىن ەكەنىن، ونىڭ داقتى دالەلى لابوراتوريادان كەيىن بەلگىلى بولاتىنىن ايتادى اقتوبە وبلىسى اۋماقتىق ۆەتەرينارلىق باقىلاۋ ينسپەكسياسى.