ەلىمىزدە جەرگىلىكتى بيۋدجەتتەن وتان سوعىسى ارداگەرلەرى مەن تىلدا ەڭبەك ەتكەن ارداگەرلەرگە ءبىر رەتتىك جاردەماقى رەتىندە 2،6 ميلليارد تەڭگە ءبولىندى،-دەپ حابارلايدى Qamshy.kz 31-ارناعا سىلتەمە جاساپ.

بۇل تۋرالى دەنساۋلىق ساقتاۋ جانە الەۋمەتتىك دامۋ مينيسترلىگى ءمالىم ەتتى. بۇگىندە قازاقستاندا 3600-دەن اساتىن سوعىس ارداگەرى مەن 176 مىڭداي تىلدا ەڭبەك ەتكەن ارداگەرلەر تىركەلگەن.

بىلتىر ەل قازىناسىنان بۇل جاردەماقى تۇرىنە 5،8 ميلليارد تەڭگە قارجى بولىنگەن. بيىل ارداگەرلەرگە قارجىلاي كومەك جەرگىلىكتى بيۋدجەتكە جۇكتەلىپتى. ەڭ قوماقتى جاردەماقىنى استانالىق سوعىس ارداگەرلەرى يەلەنبەك. استانا اكىمدىگى ءار ارداگەرگە 1 ميلليون تەڭگە بەرەدى. ال وسكەمەن قالاسىندا تۇراتىن مايدانگەر قارتتار 500 مىڭ تەڭگە الادى. وزگە ايماقتاردا ءاربىر ارداگەرگە 150 مىڭ تەڭگە قاراستىرىلعان.