ءال-فارابي اتىنداعى قازاق ۇلتتىق ۋنيۆەرسيتەتىندە بۇۇ «اكادەميالىق ىقپالداستىق» باعدارلاماسىنىڭ  جاھاندىق حابى رەتىندە  ورتالىق جانە وڭتۇستىك ازيا اۋماعىنداعى «بۇۇ جاڭا جىبەك جولى مودەلى» (MUN-NSW 2016) اتتى  ءىرى حالىقارالىق ستۋدەنتتىك كونفەرەنسياسى ءوتتى، - دەپ حابارلايدى Qamshy.kz.

اتالمىش مودەل بۇۇ-نىڭ ورتالىق ازيا اۋماعىنداعى ەڭ ءىرى مودەلى بولىپ تابىلادى. جاستار فورۋمى  قازاقستان رەسپۋبليكاسى تاۋەلسىزدىگىنىڭ 25-جىلدىعى مەن ەلىمىزدەگى بۇۇ قىزمەتىنىڭ 25-جىلدىعىنا ارنالدى. كونفەرەنسياعا ءۇندىستان، پاكىستان، اۋعانستان، تاجىكستان، قىرعىزستان، وزبەكستان ەلدەرىنىڭ دەلەگاتتارى، سونداي-اق اقش، يتاليا، فرانسيا جانە ت.ب. ەلدەردىڭ ستۋدەنتتەرى قاتىستى. دەلەگاسيانىڭ باسىم بولىگىن قازاقستاننىڭ ءار ايماعىنان كەلگەن ستۋدەنتتەر قۇرادى.

مەرەكەلىك پلەنارلىق وتىرىستا بۇۇ وكىلدەرى، شەتەل ەلشىلىكتەرىنىڭ ديپلوماتتارى، الماتى قالاسىنىڭ جانە ءال-فارابي اتىنداعى قازۇۋ اكىمدىگى جاستارعا ۇندەۋ تاستادى.

ۋنيۆەرسيتەتتىڭ ءبىرىنشى پرورەكتورى مۇحامبەتقالي بۇركىتبايەۆ  بۇۇ مودەلىنىڭ وتكىزىلۋىن 2015 جىلدىڭ قىركۇيەگىندەگى نيۋ-يوركتەگى بۇۇ-نىڭ شتاب-پاتەرىندە بۇۇ باس اسسامبلەياسىندا ن.ءا.نازاربايەۆتىڭ ماڭىزدى  باستامالارى قارالعان «تۇراقتى دامۋ ماقساتتارى» دەكلاراسياسىنا قول قويىلعان كۇندەرمەن سايكەس كەلۋىنىڭ ءمانىن ەرەكشە اتاپ ءوتتى.

حالىقارالىق «بولاشاق» باعدارلاماسىنىڭ بۇرىنعى باسشىسى ساياسات نۇربەك ۋنيۆەرسيتەتتىڭ بۇۇ مودەلىن وتكىزۋ جونىندەگى باستاماسىنا قولداۋ كورسەتتى. ستۋدەنتتەرگە ۇندەۋ تاستاي وتىرىپ، ول ءاربىر ادام ءوز ءومىرى مەن الەمنىڭ بەينەسىن ءوزى سالادى دەدى. بۇۇ مودەلى سياقتى فورۋمدار كيكىلجىڭ مەن تۇسىنىسپەۋشىلىكتەردى جەڭىپ، الەمگە مەيىرىمدىلىك،  دوستىق پەن  ادىلەتتىلىكتىڭ رەڭىن اكەلەتىنىن ايتىپ، جيىننىڭ نەگىزگى كەيپىن اشا ءتۇستى.

بۇۇ تۇراقتى ۇيلەستىرۋشىسى نوريماس شيمومۋرا مىرزا  ءوز سوزىندە: «جاستار فورۋمى بۇۇ-نىڭ تۇراقتى دامۋ ماسەلەلەرى بويىنشا وتكەن سامميتتە  قالىپتاسقان دامۋدىڭ 17 ماقساتىن دامىتۋعا باعىتتالعان»، -دەدى.  كۇن تارتىبىندەگى ءدىني ازشىلىقتاردىڭ مادەني الۋانتۇرلىلىك رەتىندەگى ينتەگراسياسى؛  حالىقارالىق اقپاراتتىق قاۋىپتەرىنىڭ الدىن الۋدىڭ جاڭا كونسەپسيالارى؛ تدم-10 اياسىندا ەل ىشىندەگى جانە ەلدەر اراسىنداعى بايلىقتاردىڭ دۇرىس بولىنبەۋى؛ رەپرودۋكتيۆتى دەنساۋلىق سالاسىنداعى سەكسۋالدىق جانە گەندەرلىك زومبىلىقتىڭ اسەرى؛ دامۋشى ەلدەردەگى وندىرىستىك قاۋىپسىزدىك سياقتى تاقىرىپتاردىڭ وزەكتىلىگىن ماقۇلدادى. شيمومۋرا مىرزا بۇۇ مودەلى تۇراقتى الەمدى قۇرۋعا تەڭدەسسىز كومەك كورسەتەتىنىنە دەگەن ءۇمىتىن ءبىلدىردى. وڭتۇستىك افريكا رەسپۋبليكاسىنىڭ ەلشىسى شيرين سوني مىرزا ءسوز سويلەپ جاتقان كەزدە جۇزدەگەن ستۋدەنتتەر ونىڭ بۇيرىعى بويىنشا قولدارىن كوتەرىپ، سالتاناتتى تۇردە بۇۇ قاعيدالارى مەن قۇندىلىقتارىن ۇنەمى قولدايتىندىعى جونىندە سالتاناتتى تۇردە انت بەردى. سونداي-اق يتاليا ەلشىسى ستەفانو راۆانيان، فرانسيا ەلشىسى فرەنسيس ەتەن قۇتتىقتاۋ سوزدەرىمەن ورتاعا شىقتى. ولار الەمدە كوپتەگەن قاقتىعىستار، سوعىستار مەن تراگەديالار ورىن الىپ جاتقاندا، بۇۇ پلاتفورماسى بىرلىكتىڭ، ءوزارا تۇسىنىستىك پەن كەلىسىم مەكەنىنە اينالعاندىعىن اتاپ ءوتتى.

اقش-تىڭ الماتى قالاسىنداعى باس كونسۋلى مارك مۋدي بىرنەشە جىلدار بويى اقش ۇكىمەتىنىڭ قولداۋىمەن ءوتىپ جاتقان فورۋمنىڭ ماڭىزدىلىعىن اتاپ ءوتتى. ستۋدەنتتەردىڭ تۇراقتى دامۋ قۇندىلىقتارىن ۇنەمى قولدايتىندىقتارىنا ۇلكەن ءۇمىت ارتتى.

بۇۇ الماتىداعى قوعامدىق دەپارتامەنت ديرەكتورى ۆلاستيميل سامەك مىرزانىڭ بۇۇ باس حاتشىسى كريستينا گاياكتىڭ قولى قويىلعان قازۇۋ-دىڭ بۇۇ «اكادەميالىق ىقپالداستىق» باعدارلاماسىنىڭ عالامدىق حابى رەتىندەگى قۇزىرەتتىلىگىنىڭ مەرزىمىن ۇزارتۋ تۋرالى بۇۇ سەرتيفيكاتىن تابىستاۋ ءراسىمى سالتاناتتى تۇردە ءوتتى.

كونفەرەنسيا قوناعى، بۇۇ ريم مودەلى پرەزيدەنتى روبەرتو دي گەلوۆاني مىرزا: «بۇۇ جاڭا جىبەك جولى مودەلى ستۋدەنتتىك كونفەرەنسياسى» – الەمنىڭ جاس ازاماتتارىنا ارنالعان ادامزاتتىڭ جاھاندىق ماسەلەلەرىن شەشۋگە ارنالعان مودەلى»، - دەدى.

ءۇش كۇن ىشىندە ستۋدەنتتەر بۇۇ مەملەكەتتەرىنىڭ تولىققاندى قۇزىرەتتى دەلەگاتتارى رولىندە وي ءبىلدىردى. اشىق تۇيتكىلدى پىكىرتالاستار ارقىلى ولار وزدەرى ۇسىنىپ وتىرعان مەملەكەتتىڭ ۇلتتىق قىزىعۋشىلىقتارىن قورعادى. تۇراقتى دامۋدىڭ 17 ماقساتىن ىسكە اسىرۋعا دەگەن كەڭەستەردەن تۇراتىن قورىتىندى قۇجات – قارار قابىلداۋ ءىس-شارانى قورىتىندىلادى.