اقىن اقبەرەن ەلگەزەك وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى بولىپ تاعايىندالدى، - دەپ حابارلايدى Qamshy.kz.

ول 1980 جىلى الماتى قالاسىندا تۋعان، ءبىلىمى جوعارى، ماماندىعى –تاريح ءپانىنىڭ ءمۇعالىمى.

ەڭبەك جولىن 2002 جىلى الماتى قالالىق ىشكى ساياسات دەپارتامەنتى قوعامدىق-ساياسي ءبولىمىنىڭ باس مامانى مامانى بولىپ باستاعان. 2003-2015 جىلدارى «قازاقستان رەسپۋبليكاسىنىڭ ۇلتتىق ينجەنەرلىك اكادەمياسى» رەسپۋبليكالىق قوعامدىق بىرلەستىگى پرەزيدەنتىنىڭ كەڭەسشىسى، الماتى قالالىق اقپاراتتىق-تالداۋ ورتالىعىنىڭ ديرەكتورى، ءال-فارابي اتىنداعى قازاق ۇلتتىق ۋنيۆەرسيتەتى جاستار بىرلەستىكتەرىمەن جۇمىس ىستەۋ ءبولىمىنىڭ باستىعى، دۇنيەجۇزى قازاقتارى قاۋىمداستىعىنىڭ «اتاجۇرت» باسپا ورتالىعىنىڭ باس رەداكتورى، «بوبەك» ۇلتتىق عىلىمي-پراكتيكالىق ءبىلىم بەرۋ جانە ساۋىقتىرۋ ورتالىعى ادامنىڭ ۇيلەسىمدى دامۋى ينستيتۋتىنىڭ ديرەكتورى لاۋازىمدارىن اتقارعان.

2016 جىلدىڭ اقپان ايىنان باستاپ وڭتۇستىك قازاقستان وبلىسى اكىمى اپپاراتى قوعامدىق مونيتورينگ ءبولىمىنىڭ باس مامانى بولىپ قىزمەت ەتىپ كەلدى.